«Деспасито» ниң тәмбүр билән орунланған нусхисиниң видийоси 2 милйон қетимдин артуқ чекилди

Мухбиримиз ирадә
2017-08-10
Елхәт
Пикир
Share
Принт

Портерикалиқ нахшичи луйис фонси тәрипидин орунланған «диспасито» дегән нахшини тәмбүр билән орунлап чиққан уйғур яшниң видийоси 2 милйон қетимдин артуқ чекилгән.

«Диспасито» дегән нахша бу йил январ ейида базарға киргәндин буян пүтүн дуня миқясида қаттиқ алқишқа еришип, әң мода нахшиларниң биригә айланған иди. Буниң билән дуняниң һәрқайси җайлирида бу нахшиниң һәр хил услубта ейтилғанлириму йейилишқа башлиған болуп, уни дуняға даңлиқ нахшичи җустин биберму өзгәртип ейтқан иди.

Хитайниң йәр шари вақти гезитидики хәвәрдин қариғанда, «шинҗаң сәнәт университети» ниң оқуғучиси рәпқәт ришат җустин бибердин бу нахшисини аңлап, уни тәмбүр билән орунлап 7-авғуст күни мявпәй(miaopai) ториға қойған. Мәлум болушичә, қисқиғинә 3 күн ичидә униң видийоси 2 милйон 210 миң қетим көрүлгән. Рәпқәт ришат буниңдин өзиниңму интайин һәйран болғанлиқини ейтқан.

«Диспасито» ни канадада яшайдиған һәм десний ишлигән «зутопийә» намлиқ картон филиминиң хитайчә нусхисиниң нахшисини орунлиған хитай нахшичи софи ченму өзгәртип ейтқан, әмма униң видийосиниң чекилиш сани рәпқәтниңкидин көп төвән икән.

Толуқ бәт