"Déspasito" ning tembür bilen orunlan'ghan nusxisining widiyosi 2 milyon qétimdin artuq chékildi

Muxbirimiz irade
2017-08-10
Élxet
Pikir
Share
Print

Portérikaliq naxshichi luyis fonsi teripidin orunlan'ghan "Dispasito" dégen naxshini tembür bilen orunlap chiqqan Uyghur yashning widiyosi 2 milyon qétimdin artuq chékilgen.

"Dispasito" dégen naxsha bu yil yanwar éyida bazargha kirgendin buyan pütün dunya miqyasida qattiq alqishqa ériship, eng moda naxshilarning birige aylan'ghan idi. Buning bilen dunyaning herqaysi jaylirida bu naxshining her xil uslubta éytilghanlirimu yéyilishqa bashlighan bolup, uni dunyagha dangliq naxshichi justin bibérmu özgertip éytqan idi.

Xitayning yer shari waqti gézitidiki xewerdin qarighanda, "Shinjang sen'et uniwérsitéti" ning oqughuchisi repqet rishat justin bibérdin bu naxshisini anglap, uni tembür bilen orunlap 7-awghust küni myawpey(miaopai) torigha qoyghan. Melum bolushiche, qisqighine 3 kün ichide uning widiyosi 2 milyon 210 ming qétim körülgen. Repqet rishat buningdin öziningmu intayin heyran bolghanliqini éytqan.

"Dispasito" ni kanadada yashaydighan hem désniy ishligen "Zutopiye" namliq karton filimining xitayche nusxisining naxshisini orunlighan xitay naxshichi sofi chénmu özgertip éytqan, emma uning widiyosining chékilish sani repqetningkidin köp töwen iken.

Toluq bet