Dilnigar ilhamjanning xitay küch ulap changgha téyilish komandisidin chiqiriwétilgenliki melum boldi

Muxbirimiz eziz
2022-02-16
Share

Xitay sahibxaniliq qilghan béyjing qishliq olimpik musabiqisining échilish murasimida ikki kishilik mesh'el guruppisining bir ezasi bolghan dilnigar ilhamjan heqqide yéqindin buyan yene yéngi xewerler melum bolushqa bashlidi.

SupChina Torida élan qilin'ghan bu heqtiki söhbet programmisidin melum bolushiche, yillardin buyan xitayda “Dangliqlarning dangliqi” bolghan shexskila nésip bolidighan “Olimpik mesh'ilige ot yéqish” sheripi héchqandaq “Sherep” quchup baqmighan Uyghur changgha téyilish mahiri dilnigar ilhamjan'gha bérilgen. Nöwette beziler buni “Uyghurlarning qirghinchiliqqa uchrishini yoshurush urunushi” dep sherhilewatqan bolsimu dilnigarning béyjingdiki changgha téyilish musabiqisining 20 kilométirgha küch ulap changgha téyilish komandisidin chiqiriwétilgenliki köp qisim kishilerge namelum iken.

Melum bolushiche, dilnigar ilhamjan ilgiri yette kilométirliq musapige changgha téyilish türide 43-bolghandin kéyin xitay komandisining bu türdiki netijisi biraqla töwenlep ketken. Söhbet aptorliri dilnigarning meshqawulliri bilen sözleshkende ular uni alahide maxtap bergeniken. Emma 13-féwraldiki küch ulap changgha téyilish komandisidiki ezalar isimlikide dilnigarning ismi öchürülgen. Téximu külkilik bolghini uning ornigha seplen'gen xitay mahir ötken heptidiki musabiqide dilnigardinmu töwen netijige érishken biri iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet