Toniy pérkins: "Dilshatning hémayichiliqini men qilimen!"

Muxbirimiz eziz
2019-07-03
Élxet
Pikir
Share
Print

Amérika xelq'ara diniy étiqad erkinliki komitétining re'isi toniy pérkins 2-iyul küni özining buningdin kéyin xitay türmisidiki Uyghur siyasiy mehbuslardin dilshat perhat atamanning hémayichiliq ishlirigha mes'ul bolidighanliqini jakarlidi.

U bu heqte söz qilip "Dilshat perhat hazir xitayning lagérlirigha qamalghan milyonlighan Uyghurlarning biri. Xitay hökümitining diniy erkinlikke we eqelliy kishilik hoquqqa qiliwatqan hujumliri toxtishi lazim" dégen.

Buningdin ilgiri mezkur komitétning ezaliridin ténzin dorjé muddetsiz qamaqqa höküm qilin'ghan wijdan mehbusliridin gülmire iminning hémayichiliq ishlirigha mes'ul bolghan idi.

Dilshat eyni waqitta Uyghurlar diyaridiki oqurmenler sani eng köp bolghan tor béketliridin "Diyarim" torining mes'uli bolup ishligen. 2009-Yili xitay da'iriliri emdila 27 yashqa kirgen dilshatni qolgha alghan we besh yilliq qamaqqa höküm qilghan. 2018-Yili u yene bir qétim qolgha élin'ghanche hazirghiche héchqandaq iz-dériki bolmighan.

Toluq bet