Америка ташқи ишлар министирлиқи диний әркинлик баянати елан қилди

Мухбиримиз әзиз
2021-11-17
Share

Америка ташқи ишлар министири антони билинкен 17-ноябир күни диний әркинликниң тәбири һәққидики баянатини елан қилди һәмдә америка һөкүмитиниң диний әркинлик һәқлирини һимайә қилиш мәйданиниң һечқачан өзгәрмәйдиғанлиқини җакарлиди.

Америка ташқи ишлар министирлиқиниң тор бетидә елан қилинған мәзкур баянатта бир қисим һөкүмәтләрниң пуқраларни диний етиқади сәвәблик қолға елиш вә түрмиләргә қамаш, һәтта өлүмгә мәһкум қилиштәк қилмишлар билән шуғуллиниватқанлиқи кәскин әйибләнди. Шу қатарда хитай, бирма қатарлиқ бир қисим “алаһидә тәшвишлик дөләтләр” ниң системилиқ һалда диний етиқад зиянкәшликини давам қилдуруватқанлиқи көрситилип “биз бу хилдики диний етиқадни баһанә қилип хәлқни бастуруштәк қилмишқа һәргизму сүкүт қилмаймиз” дейилиду.

Уйғур дияридики зор тутқун вә лагер системиси һәққидики сансизлиған учурлар дәл хитай һөкүмитиниң уйғурлардики диний етиқадни “террорлуқ вә ашқунлуқ” қа бағлап, буларни уйғурларни бастуруш һәмдә мәҗбурий ассимилятсийә қилиштики баһанә қиливалғанлиқини көп қетим көрсәткәниди. Шу сәвәбтинму америка һөкүмитиниң сабиқ ташқи ишлар министири майк помпейо уйғур дияридики сиясий бастурушни “ирқий қирғинчилиқ” дәп елан қилған, һазирқи ташқи ишлар министири антони билинкенму өзиниң бу қарарни толуқ етирап қилидиғанлиқини билдүргәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт