Мутәхәссисләр: хитайниң чүмбәлни чәклиши уни миллий қаршилиқниң символға айландуруп қойиду

Бәзи чәтәллик мутәхәссисләр хитайниң қанун-низам чиқирип, диний кийим-кечәкни чәклиши у күткән нәтиҗә бәрмәйдиғанлиқини агаһландурди. Австралийә ла тропе университетниң хитай миллий сиясәт тәтқиқатчиси җәймис ләйболд, “чүмбәлгә қоюлған чәклимә уни қаршилиқниң техиму әтиварлиқ символиға айландуриду вә миллий кимлик идийәсни күчәйтиду” дегән.

Уйғур аптоном районлуқ хәлқ қурултийи 28‏-ноябир қанун чиқирип, диний сияққа чәклимә қойған. Үрүмчи шәһәрлик хәлқ қурултийи 10‏-декабир чиқарған низамнамидә, диний кийимләрни аммиви сорунларда мәни қилған иди.

Ройтерс агентлиқиниң баян қилишичә, җәймис ләйболд сөзидә йәнә, хитайниң йүз, баш, бәдәнни йепишни диний ашқунлуқ вә зораванлиққа бағлап қараватқанлиқини әскәртип, “бу, наһайити бимәнә вә әксичә нәтиҗә беридиған террорлуққа тақабил туруш чариси” дәп тәкитлигән.

Ройтерс агентлиқи хәвиридә йәнә, кишилик һоқуқ тәшкилатлириниң уйғур районида муқимсизлиқни хитайниң ислам дини, уйғур мәдәнийити вә тилини чәклиши пәйда қиливатиду, дәп қарайдиғанлиқини билдүргән.