Mutexessisler: xitayning chümbelni cheklishi uni milliy qarshiliqning simwolgha aylandurup qoyidu
Bezi chet'ellik mutexessisler xitayning qanun-nizam chiqirip, diniy kiyim-kéchekni cheklishi u kütken netije bermeydighanliqini agahlandurdi.
-
Muxbirimiz erkin
2014-12-12 -
-
-
Bezi chet'ellik mutexessisler xitayning qanun-nizam chiqirip, diniy kiyim-kéchekni cheklishi u kütken netije bermeydighanliqini agahlandurdi. Awstraliye la tropé uniwérsitétning xitay milliy siyaset tetqiqatchisi jeymis leybold, “Chümbelge qoyulghan cheklime uni qarshiliqning téximu etiwarliq simwoligha aylanduridu we milliy kimlik idiyesni kücheytidu” dégen.
Uyghur aptonom rayonluq xelq qurultiyi 28-noyabir qanun chiqirip, diniy siyaqqa cheklime qoyghan. Ürümchi sheherlik xelq qurultiyi 10-dékabir chiqarghan nizamnamide, diniy kiyimlerni ammiwi sorunlarda men'i qilghan idi.
Roytérs agéntliqining bayan qilishiche, jeymis leybold sözide yene, xitayning yüz, bash, bedenni yépishni diniy ashqunluq we zorawanliqqa baghlap qarawatqanliqini eskertip, “Bu, nahayiti bimene we eksiche netije béridighan térrorluqqa taqabil turush charisi” dep tekitligen.
Roytérs agéntliqi xewiride yene, kishilik hoquq teshkilatlirining Uyghur rayonida muqimsizliqni xitayning islam dini, Uyghur medeniyiti we tilini cheklishi peyda qiliwatidu, dep qaraydighanliqini bildürgen.