Уйғур диярида ғайәт зор диназавур ташқатмиси байқалған

Уйғур диярида йеқинда байқалған икки данә диназавор ташқатмиси бу маканниң қәдимки җуғрапийәлик муһити һәққидики бәзи һөкүмләрни техиму илгириләп испатлиған. 

CNN Хәвәр агентлиқиниң бу һәқтики хәвиридә ейтилишичә, турпан - қумул ойманлиқидин байқалған икки данә диназавур ташқатмиси вә уларниң ташқа айлинип кәткән тухумлирини мунасивәтлик алимлар һазирғичә техи байқалмиған түрләргә мәнсуп, дәп елан қилған. Хитай алимлири узунлуқи 20 метирдин ашидиған бу диназавор әвришкилиригә “йипәк йоли гигант диназавори” вә “қумул гигант диназавори” дәп исим қойған. 

 Хитай вә чәт әл алимлири бирлишип елан қилған бу һәқтики тәтқиқат мақалиси “тәбиәт” журнилиниң авғуст санида елан қилинған. Әмма апторлар ичидә бирму уйғур йоқ икән. Уйғур дияридики бу хил қурғақ район җуғрапийәсигә даир һадисиләрни тәтқиқ қилиш вә тәбиий байлиқларни йирақтин сезиш билән тонулған даңлиқ уйғур мутәхәсисләрдин ташполат тейип болса уйғур дияридики зор тутқунда қолға елинип кечиктүрмә өлүм җазасиға һөкүм қилинған иди. 

Бир қисим алимлар уйғур дияридики ғайәт зор нефит вә тәбиий газ записиниң һасил болушида бу районниң дәсләпки бор дәвридә бипаян деңиз-окян болғанлиқи муһим рол ойниған, дәп қарайдикән.