Uyghur diyarida ghayet zor dinazawur tashqatmisi bayqalghan
CNN Xewer agéntliqining bu heqtiki xewiride éytilishiche, turpan - qumul oymanliqidin bayqalghan ikki dane dinazawur tashqatmisi we ularning tashqa aylinip ketken tuxumlirini munasiwetlik alimlar hazirghiche téxi bayqalmighan türlerge mensup, dep élan qilghan. Xitay alimliri uzunluqi 20 métirdin ashidighan bu dinazawor ewrishkilirige “Yipek yoli gigant dinazawori” we “Qumul gigant dinazawori” dep isim qoyghan.
- 2021-08-17
-
-
-
Uyghur diyarida yéqinda bayqalghan ikki dane dinazawor tashqatmisi bu makanning qedimki jughrapiyelik muhiti heqqidiki bezi hökümlerni téximu ilgirilep ispatlighan.
CNN Xewer agéntliqining bu heqtiki xewiride éytilishiche, turpan - qumul oymanliqidin bayqalghan ikki dane dinazawur tashqatmisi we ularning tashqa aylinip ketken tuxumlirini munasiwetlik alimlar hazirghiche téxi bayqalmighan türlerge mensup, dep élan qilghan. Xitay alimliri uzunluqi 20 métirdin ashidighan bu dinazawor ewrishkilirige “Yipek yoli gigant dinazawori” we “Qumul gigant dinazawori” dep isim qoyghan.
Xitay we chet el alimliri birliship élan qilghan bu heqtiki tetqiqat maqalisi “Tebi'et” zhurnilining awghust sanida élan qilin'ghan. Emma aptorlar ichide birmu Uyghur yoq iken. Uyghur diyaridiki bu xil qurghaq rayon jughrapiyesige da'ir hadisilerni tetqiq qilish we tebi'iy bayliqlarni yiraqtin sézish bilen tonulghan dangliq Uyghur mutexesislerdin tashpolat téyip bolsa Uyghur diyaridiki zor tutqunda qolgha élinip kéchiktürme ölüm jazasigha höküm qilin'ghan idi.
Bir qisim alimlar Uyghur diyaridiki ghayet zor néfit we tebi'iy gaz zapisining hasil bolushida bu rayonning deslepki bor dewride bipayan déngiz-okyan bolghanliqi muhim rol oynighan, dep qaraydiken.