"diplomat "Zhurnili: "Erdoghan xitay bilen nahayiti chong qimargha kirishti"

Muxbirimiz erkin
2019-10-07
Élxet
Pikir
Share
Print

Amérika tashqi siyaset kéngishining mu'awin re'isi élan bérman7‏-öktebir küni "Diplomat" zhurnilida maqale élan qilip, türkiye prézidénti erdoghanning xitay bilen nahayiti chong bir qimargha kirishkenliki, buning türkiyeni xitayning orbétisigha téximu yéqinlashturidighanliqini bildürgen.

Élan bérman "Erdoghanning xitay bilen bolghan qimari" serlewhilik maqaliside qeyt qilishiche, nöwette erdoghan özining dölet ichidiki siyasiy ornining tewrep qilishi, iqtisadi krizis, NATO bilen bolghanS ‏-400tipliq bashqurulidighan bomba mesilisidiki ixtilapi, amérikaning-35 tipliq urush ayropilanini sétip bérishni tonglitishi, yawropa bilen bolghan munasiwitining yiriklishishi, qanun, démokratiye, kishilik hoquq qatarliq mesililerdiki ixtilapi, süriye mesilisi qatarliq amillar uni xitaygha, xitayning "Bir yol bir belwagh " qurulushigha yüzlinishke mejbur qilmaqta iken.

Maqalide yéqindin béri türkiyening xitay bilen bolghan iqtisadi alaqisining qoyuqlashqanliqi, xitayning bu yil yazda türkiyege bir milyard dollar qerz bérip, uning minnetdarliqigha érishkenliki shundaqla xitayning türkiye énérgiye sahesige 3 milyard 600 milyon dollar qerz bérip, ziyan ichidiki bezi türkiye bankilirini sétiwélish yolini achqanliqini bildürgen.

Élan bérmanning ilgiri sürüshiche, ularning bu jehettiki chongqur hemkarliq munasiwiti siyasettiki chong özgirishini ipadileydiken. Élan bérman türkiyening téxi yéqinqi waqitlargha qeder xitay pulining ziyanliq tereplirige hoshyarliq bilen mu'amile qilip kelgen bolsimu, lékin uning hazir xitaygha yölinishning paydisini teqib qilishqa bashlighanliqini bildürgen. Aptorning qarishiche, enqerening maliyesi erdoghanning shu'an tashqi siyaset nishanini emelge ashurushqa yétishmeydiken. Shunga u özining hakimiyette qélishi üchün qanchilik bedel tölise tölisun, béyjingning qerz pulini élish qararigha kelgen. Aptor maqalisining axirida "Buning aqiwiti türkiyening gherbtin téximu yiraqlishishni, béyjingning orbétisigha téximu ichkirilep kirishini keltürüp chiqiridu," dep tekitligen.

Toluq bet