Xitayning amérikadin dawamliq DNA eswablirini sétiwalghanliqi ashkarilandi

Muxbirimiz erkin
2021-06-11
Share

Amérika hökümiti xitayning Uyghur élidiki saqchi da'irilirige d n a eswablirini satmasliqini agahlandurghan bolsimu, biraq rayondiki saqchi da'irilirining yenila amérikadin yüz minglarche dollarliq DNA'eswablirini sétiwalghanliqi ashkarilandi. "Nyu-york waqti" gézitining ashkarilishiche, ular xitay hökümitining bu sodigha a'it höjjet we toxtamlargha érishken bolup, amérikadiki térmo-féshir we promége shirketliri ishlepchiqarghan d n eswablirining dawamliq bu rayon'gha sétilghanliqini bayqighan.

Amérika hökümiti nechche yil ilgirila amérika shirketlirining Uyghur ilidiki xitay saqchi orunlirigha d n a eswablirini sétishini tosushqa bashlighan. Kishilik hoquq teshkilatliri we tetqiqatchilar amérika hökümitini xitay da'irilirining bu eswablarni nazaret sistémisi qurush üchün ishlitishi mumkinlikini agahlandurghan. Tiramp hökümiti 2019-yili shirketlerning ijazet almay turup, Uyghur élidiki amanliq organlirigha amérika mehsulatlirini sétishni chekligen.

Washin'gton 2020-yili yene Uyghur éligha bi'ologiyelik téxnika we bashqa mehsulatlarni satqan shirketlerning "Inawet we iqtisadiy qanuni xewpke" duch kélidighanliqini agahlandurghanidi. "Nyu-york waqti" gézitining éytishiche, xitay shirketlirining bu üskünilerni qandaq sétiwalghanliqi éniq emes bolup, höjjetlerde qaysi amérika shirkitining bu eswablarni xitaygha sétip bergenliki körsitilmigen.

Biraq xewerde, shinjang saqchilirining amérika ishlepchiqarghan DNA üskünilirini dawamliq sétiwélishi we ishlitishi amérika karxaniliri ishlepchiqarghan mehsulatlarning axirqi békiti toghrisida so'al peyda qilghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet