Amérika dölet mejlis ezaliri "Uyghur kishilik hoquq qanun layihesi" ning maqullinidighanliqini mölcherlimektiken

Muxbirimiz irade
2020-01-09
Share

"Nyu-york waqti géziti" ning bu heqtiki xewirige qarighanda, 8-yanwar charshenbe küni amérika dölet mejlisining jumhuriyetchiler we démokratchilar partiyeliridin bolghan ezaliri "Uyghur kishilik hoquq qanun layihesi" ning özgertilgen nusxisida kélishidighanliqini bildürgen.

Kéngesh palata ezasi marko rubiyo we awam palata ezasi jeymis makgowrn muxbirlargha qilghan sözide kélishtürgüchilerning bu qanunning yenimu qattiq telep-tedbirlerni öz ichige alghan nusxisi üstide ishligenlikini, awazgha qoyulghan teqdirde awam palatadiki her ikki partiyedin bolghan wekillerning uni qollaydighanliqini we kéngesh palatadinmu ötüshini ümid qilidighanliqini bildürgen.

"Uyghur kishilik hoquq qanun layihesi" amérika awam palatasida maqullinip, jumhuriyetchiler köp sanliqni igileydighan kéngesh palatasining maqullishigha sunulghan mezgilde xizmet tertipi seweblik 12‏-ay ichide awazgha qoyulmay, 2020-yiligha qalghan idi.

Marko rubiyo yéqinda amérika CBS qanilining programmisigha qatnashqandimu "Uyghur kishilik hoquq qanun layihesi" ning amérika dölet mejliside tézlik bilen maqullinishini ümid qilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet