Amérika dölet mejlisige xitay dölet shirketlirining amérikida shirket sétiwélishini cheklesh heqqide teklip sunuldi

Muxbirimiz shöhret hoshur
2016.11.16

Amérika, xitay iqtisadiy we bixeterlik ishlirini közitish komitéti bügün amérika dölet mejlisige bir doklat sunup, xitay dölet shirketlirining amérikida shirket sétiwélishi yaki changgiligha éliwélishini cheklesh toghrisida teklip otturigha qoyghan, roytirsning bügünki bu heqtiki xewiride bayan qilishiche, mezkur doklatta xitay hökümitining dölet igilikidiki shirketlerni özlirining dölet bixeterlik menpe'eti üchün küchlük bir qoral süpitide paydiliniwatqanliqi otturigha qoyulghan we “Néme üchün biz amérika hökümitining amérikida shirket qurushini chekleymiz, lékin xitay hökümitige yol qoyimiz?” déyilgen.

Mezkur komitét yene, amérikining chet'el meblighini nazaret qilish komitéti we funksiyesini küchlendürüsh arqiliq xitay dölet shirketlirining amérikida shirket sétiwélishini pütünley tosushni teshebbus qilghan.

Xewerlerde déyilishiche, amérikining chet'el meblighini nazaret qilish komitéti yéqinqi bir- ikki yildin béri xitay dölet shirketlirining amérikidiki tesirining kéngiyishini belgilik derijide tizginligen. Donald tramp hakimiyetni ötküzüwalghandin kéyin, bu komitétta tengshesh élip bérilish éhtimalliqi bolghanliqi üchün amérika-xitay iqtisadiy we bixeterlik ishlirini közitish komitéti yuqiriqi teklipni otturigha qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.