Amérika dölet mejlisi muhajirettiki tibetlikler üchün 6 milyon dollar yardem puli testiqlighan

Muxbirimiz qutlan
2015-12-21
Share

"Tibet awazi" torining xewirige qarighanda, amérika dölet mejlisi bügün amérika maliye ministirliqining 2016-yilliq xamchot pilanidin 6 milyon dollar ajritip muhajirettiki tibetlerge yardem bérishni testiqlighan.

Igilinishiche, amérika dölet mejlisi testiqlighan 6 milyon dollarning bir qismi tibetlerning tili, medeniyiti we dinini qoghdashqa, yene bir qismi hindistan we népaldiki tibet köchmenlirini olturaqlashturushqa serp qilinidiken.

Xewerde déyilishiche, bu yil amérika dölet mejlisining tibetler üchün testiqlighan yardem puli aldinqi yiligha qarighanda bir hesse ashqan. Yeni 2015-yilidiki 3 milyon dollardin hazir 6 milyon dollargha köpeygen.

Bügün sürgündiki tibet memuriy merkizining bashliqi lobsang sanggay bu munasiwet bilen bayanat élan qilip, pütün tibetler namidin amérika dölet mejlisige alahide teshekkür bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet