Dolqun eysa: “Uyghurlar uchrawatqan irqiy qirghinchiliqni kim ayaghlashturidu”

Muxbirimiz irade
2020.07.14

Dunya Uyghur qurultiyining re'isi dolqun eysa en'gliyede neshrdin chiqidighan “Yéngi ereb géziti” de maqale élan qilip, Uyghurlar uchrawatqan zulumgha süküt qiliwatqan musulman döletlirige chaqiriq qildi. U maqalisige “Uyghurlar uchrawatqan irqiy qirghinchiliqni kim ayaghlashturidu” dep mawzu qoyghan. Dolqun eysa maqaliside, Uyghurlar xitay hökümitining zulumigha uchrap kelgen bolsimu, biraq yéqinqi 3-4 yildin buyan xitayning siyasitining Uyghurlarni assimilyatsiye qilish we hetta irqiy qirghin qilish terepke qarap tereqqiy qilghanliqini, Uyghurlar uchrawatqan zulum shundaq éghir bolsimu, biraq amérikadin bashqa héchqandaq döletning keskin heriketke ötmigenlikini, téximu échinarliqining mutleq köp qisim musulman döletlirining hetta xitayning herikitini qollighanliqini bildürgen.

Dolqun eysa maqaliside, musulman döletliri we musulman rehberlirining Uyghurlar uchrawatqan zulumgha süküt qilishining Uyghurlarni qattiq ümidsizlendürgenlikini bildürüp: “Téxi aldinqi hepte, musulmanlar köp sanliqni öz ichige alghan 46 dölet xitayning b d t diki siyasitini qollaydighan xetke imza qoydi. Musulmanlar dunyasi qandaq qilip milyonlighan musulmanning irqiy qirghinchiliqi we ziyankeshliklirini qollaydighan halgha chüshüp qaldi?” dep so'al qoyghan.

Dolqun eysa axirida islam dunyasi we dunya jama'etchilikini Uyghur xelqi uchrawatqan irqiy qirghinchiliqini toxtitishini, Uyghurlarning yashash hoquqini kapaletke ige qilishni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.