Donggüen shehiri bingtu'en'ge 1 milyard 630 milyon yüen'ge meblegh salghan

Muxbirimiz jüme
2016-07-30
Share

Donggüen shehiri ötken 3 yilda atalmish "Shinjanggha yardem bérish" türi boyiche Uyghur élige salghan meblegh 1 milyard 630 milyon yüen'ge yetkenliki körsitilgen bolsimu, bularning hemmisining bingtu'en'ge sélin'ghanliqi melum.

Gu'angdung ölkisidin chiqidighan "Yangchéng" kechlik gézitining xewer qilishiche, donggüen shehiri salghan mebleghler bingtu'en'ge qarashliq 3 - déwiziye, tumshuq shehiri we 12 meydanni öz ichige alghan rayonlargha sélin'ghan.

Xewer körsitishiche, bu mebleghler asasen "Xelq turmushi qurulushi" gha sélin'ghan bolup, bular olturaq öy qurulushi, mulazimet merkizi qurulushi, yol we asasiy mu'essese qurulushi qatarliq türlerge sélin'ghan.

Xewerde Uyghur élige xénendin 30 yilining aldida kélip yerleshken we 3 baliliq bolup yiltiz tartqan jiyen famililik bir xitay déhqanning hayati heqqidimu bezi melumatlar bérilgen.

U,bu jeryanda özining esli yurtidin bingtu'en'ge yene 3 a'ililik tughqini ekélip yerleshtürgen we bu yerde pursetning köplükini, kirimningmu xéneniningkige qarighanda towen emeslikinimu qoshumche qilghan.

Xewerde 3 - déwiziye tewelikige sélin'ghan mebleghlerning yene 10 ming éghiz olturaq öy qurulushi, 38 kilométir yol, tok, par we gaz yetküzüsh qurulushi qatarliq 97 türge serp qilin'ghanliqi körsitilgen.

Shinxu'a agéntliqining 30 - marttiki xewirige qarighanda, xitay hökümiti bingtu'enning 2016 - yilliq ijtima'iy muqim mülük sélinmisini 198 milyard somgha yetküzmekchi bolghan.

Xitay da'iriliri 2010 - yili chaqirilghan atalmish "Shinjang xizmet yighini" din kéyin, xitayning 19 ölkisini Uyghur élige "Yardem" bérishke orunlashturghan. Xitayning bu siysi'iti weziyet közetküchilirini ejeplendürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet