Uyghur kishilik hoquq qurulushi, xitay mekteplirining Uyghur doppa bayrimini cheklep kelgenlikini otturigha qoydi

Muxbirimiz jüme
2014-05-17
Share


Amérikidiki Uyghur kishilik hoquq qurulushi bayanat élan qilip, xitay mekteplirining Uyghur doppa bayrimini cheklep kelgenlikini otturigha qoydi.

16 - May élan qilin'ghan bayanatta 2009 - yilidiki 5 - iyul ürümchi qirghinchiliqidin kéyin Uyghur oqughuchiliri shekillendürgen doppa bayrimida Uyghur oqughuchilarning doppa kiyish erkinliki boghulghanliqi körsitildi.

Uyghur kishilik hoquq programmisi bu heqtiki bayanatini sherqiy türkistandin kelgen oqughuchilarni ziyaret qilip teyyarlighan. Ularning éytishiche, bu xil cheklesh yillardin buyan dawam qilghan.

Bayanatta neqil qilishiche, bir Uyghur oqughuchi doppa bayrimi kélish harpisida mektep oqutquchilirining oqughuchilargha doppa kiymeslik heqqide agahlandurush bergenliki, eger doppa kiyip mektepke kelgüchiler bolsa mekteptin heydilidighanliqini bildürgen.

Uyghur kishilik hoquq programmisi ziyaret qilghan oqughuchilar xitay hökümitining Uyghurlargha milliy kimlikini untuldurush üchün ularning doppa kiyishini chekleydighanliqini bildürgen.

2013 - Yili martta ürümchi sheherlik 23 - ottura mektep rehberliri mektepke doppa keyp mektepke kelgen Uyghur oqughuchilargha tehdit salghan we ularni doppisini éliwétishke mejburlighan. Bu oqughuchilarning qattiq naraziliqini qozghighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet