Özbék général dostum taliban küchlirige qarshi amérikidin yardem sorighan

Muxbirimiz shöhret hoshur
2016.10.19
Share on WhatsApp
Share on WhatsApp

Amérika awazi radiyosining bügün xewer qilishiche, afghanistanning feryap wilayitide taliban'gha qarshi urush qiliwatqan özbék général we mu'awin prézidént abduréshit dostum, taliban küchlirining arqisida pakistan armiyisining mewjutluqini ilgiri sürüp, amérika tereptin yardem telep qilghan.

U sözide, amérikining afghanistanni taliban küchliridin azad qilip bergenlikini we afghan armiyisini terbiyilep bergenlikini tilgha alghandin kéyin, nöwettiki weziyette afghan armiyesini qoral bilen teminlishini telep qilghan.

Xewerde déyilishiche, nöwette faryap téghi etrapidiki taliban eskerlirining sani 5000 etrapida bolup, bulardin ikki ming nepiri nöwette dostum qomandanliq qiliwatqan faryapning qormuch etrapida heriket qilmaqta iken.

Melum bolushiche, taliban küchliri 17 ‏-öktebir küni faryap ayrodromi we herbiy gazarmigha hujum qilghan. Hujum dostum armiyisi teripidin arqigha chékindürülgen. Bu jeryanda afghanistanda dostumning ushtumtut hujumgha uchrighanliqi we hujumda ölgenliki heqqide xewerler tarqalghan, dostum bügün muxbirlargha qilghan sözide mezkur hujumda 15 eskerning ölgenlikini ashkarilighan.

1980 ‏-Yillardin bashlap hayati jeng meydanlirida ötken abduréshit dostum 2014 ‏-yili afghanistanning mu'awin prézidéntliq textige olturghan. Taliban küchliri qayta janlinishi bilen dostum yene bir ret urush sépining aldigha atlan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.