Uyghurlarning dubeyde qamaqxanigha solan'ghanliqi ashkarilan'ghan
“Birleshme agéntliq” ning bügünki xewirige qarighanda, dubeyde tutulup qalghan bir xitay ayal dubeydiki bir qamaqxanida Uyghurlar bilen bille qamalghanliqini ashkarilighan. Bu ayalning bildürüshiche, u xitayning bashqurushidiki bir mexpiy qamaqxanigha 8 kün solan'ghan bolup, qamaqxanida az dégende ikki Uyghurni körgen.
-
Ixtiyariy muxbirimiz jewlan
2021-08-16 -
-
-
“Birleshme agéntliq” ning bügünki xewirige qarighanda, dubeyde tutulup qalghan bir xitay ayal dubeydiki bir qamaqxanida Uyghurlar bilen bille qamalghanliqini ashkarilighan. Bu ayalning bildürüshiche, u xitayning bashqurushidiki bir mexpiy qamaqxanigha 8 kün solan'ghan bolup, qamaqxanida az dégende ikki Uyghurni körgen.
Xitay hökümitige qayturulushtin qéchip yürgen bu ayal, dubeydiki bir méhmanxanida tutulup görüge élin'ghan bolup, xitay xadimliri uni dachidin türmige özgertilgen bir öyge qamap qoyghan, xitaylar uni soraq qilip, hökümetke qarshi gep qilghan oghul dostini tépip bérishke qistighan. Bu ayal u yerde ikki Uyghur mehbusni körgen, awazini anglighan. U 6-ayning 8-küni türmidin qutulup chiqqandin kéyin, gollandiyedin siyasiy panahliq tiligen.
Közetküchilerning bildürüshiche, “Qara türme” gerche xitayda köp uchraydighan jinayet uwisi bolsimu, bu ayalning bergen melumati xitayning chet eldiki “Qara türmisi” heqqide bérilgen tunji melumat hésablinidiken. Xitay özining chet eldiki tesiridin paydilinip, bu xil qamaqxanilarni qurup özliri qayturup ketmekchi bolghan ademlerni solap qoyidiken, bularning ichide xitaygha qarshi gep qilghan öktichiler, parixor emeldarlar we Uyghurlargha oxshash az sanliq milletler bar iken.