Дуня килимат йиғини бейҗиң вә йеңи деһлиниң түтәктә қалғанлиқи билән башланди

Мухбиримиз әзиз
2015-11-30
Share


30 - Ноябир күни франсийәниң пайтәхти парижда башланған дуня килимат йиғиниға 150 кә йеқин дөләтниң рәһбәрлири қатнашти. Йиғинда йәр шари килиматидики өзгиришләр һәққидә ортақ хәлқара келишим һасил қилиш һәмдә атмосфрадики парник газини азайтиш арқилиқ йәр шариниң иссип кетишини сеслсийә икки градус ичидә чәкләш қатарлиқ чоң мәсилиләр музакирә қилинмақчи.

Ройтерсниң хәвәр қилишичә, дуня килимат йиғини башланған дүшәнбә күни бейҗиң вә йеңи деһлиниң һааваси түтәктә қалған. Хитайниң муһит асраш министирлики бейҗиңниң ис - түтәк билән қаплиниш әһвалини қишлиқ иссиниш пәслиниң башлиниши вә начар һава райи сәвәбидин келип чиққан дәп изаһлиған. 22 Милйондин артуқ нопусқа егә бейҗиң шәһириниң бир қисим җайлирида һаваниң саплиқ көрсәткүчи 500 нуқтиға йәткән болуп, нормалда 300 нуқтидин ешип кәтсә алақидар бәлгилимиләр бойичә аһалиләр өйдин чиқмаслиққа дәвәт қилинидикән.

16 Милйон нопусқа егә йеңи деһлидики һаваниң саплиқ көрсәткүчи 372 нуқтиға йәткән болуп, шәһәр һавасиниң булғиниш дәриҗиси “хәтәрлик” дәриҗисиниң өлчимигә йәткәнлики тәкитләнгән.

Мутәхәссисләрниң қаришичә, көмүрниң йеқилғу сүпитидә қоллинилиши шәһәр һавасиниң булғинишидики асаслиқ сәвәб икән. Әмма, хитайдики муһит тармақлириниң ейтишичә, һазирқи әһвалда һаваниң саплиқ дәриҗисиниң нормал өлчәмгә йетиши аз дегәндиму 2030 - йилиғичә мумкин болмайдикән.

Еғир ис - түтәк түпәйлидин үрүмчи айродромидиму 27 - нопабирдин башлап бир қисим айропиланларниң учуш вә қонуш вақти кәйнигә сүрүлгәнлики, шундақла бир қисим айропиланларниң учуши әмәлдин қалдурулғанлиқи, мушу сәвәбтин йәттә миңдин артуқ йолучиниң маңалмайватқанлиқи мәлум болған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт