Mutexessisler: "Dunya sehiye teshkilatidek bashqa xelq'araliq organlarningmu xitay bilen bolghan munasiwiti tekshürülüshi kérek"

Muxbirimiz irade
2020-04-16
Share

Amérika prézidénti donald tramp 14-aprél küni ötküzülgen muxbirlarni kütüwélish yighinida amérika hökümitining dunya sehiye teshkilatigha her yili bérip kéliwatqan zor sommiliq meblighini toxtitip qoyghanliqini élan qilip zor inkas qozghighan.

Melum bolushiche, uning bu herikitini qollaydighan nurghun közetküchiler bashqa xelq'araliq organlarningmu xitay hökümiti bilen bolghan munasiwiti üstidin tekshürüsh élip bérilishi kéreklikini teshebbus qilmaqtiken.

Bu heqte kanadaning "Yultuz" namliq xewer torining bildürüshiche, kanadadiki bir qisim ammiwi siyaset mutexessisliri kanadaning amérikaning dunya sehiye teshkilatining tajsiman wirus yuqumini bir terep qilish we uning béyjing bilen bolghan munasiwitini tekshürüsh herikitini qollishi kéreklikini otturigha qoyghan.

Xewerde bayan qilinishiche, "Tramp dunya sehiye teshkilatigha bolghan tenqidiy pozitsiyeside yalghuz emesken. Nurghun közetküchiler emeliyette peqet dunya sehiye teshkilatila emes, nurghun xelq'araliq organlarning béyjingning tesir körsitishige uchrawatqanliqini eskertip ularni xitay bilen bolghan munasiwitini közdin kechürüshke chaqirmaqtiken."

14-Féwral küni 100 din artuq xitay ishliri mutexessisliri we siyasiyonliri ortaq imzaliq bayanat élan qilip, xitay kompartiyesining krizisqa bolghan inkasini shundaqla uning yuqumning deslepki basquchini yoshurghanliqini eyibligen. Bu bayanat ottawagha jaylashqan "Döletlik ammiwi siyaset aqillar ambiri" - kanada makdonald-lawér institutining tor bétide élan qilin'ghan bolup, uninggha shimaliy amérika, yawropa we okyaniyedin bolup 100 din artuq siyaset mutexessisliri, parlamént ezaliri we ilmiy xadimlar imza qoyghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.