Җай нордлингер: «уйғурлар һәққидики соаллар дуняни синимақта!»

Мухбиримиз әзиз
2019-11-06
Елхәт
Пикир
Share
Принт

«Дөләтлик баһа» журнилиниң алий муһәррири җай нордлингир йеқиндин буян уйғурларниң нөвәттики әһвали һәққидә наһайити салмақлиқ мақалиләрни елан қилип келиватқан болуп, униң 6-ноябир күни елан қилинған мақалисидә дуняниң уйғурларға қандақ йүзлиниши муһакимә қилинди.

Аптор мақалисидә нөвәттә милйонлиған уйғурниң лагерға қамилиши, бу җайларда уларниң хорлашқа вә өлүмгә дуч келиватқанлиқи, қәбриләр вә мәсчитләрниң бузуп ташлиниши қатарлиқ әһвалларниң аллиқачан дуняға мәлум болуп болғанлиқини, бәзиләрниң һәтта «уйғурларниң көрүватқанлири ‹хрустал кечә' ниң һәр күнлүк тәкрарлиниши» дәп мақалә йезиватқанлиқи, уйғур әрлири лагерға елип кетилгән аилиләргә хитай әр кадирларниң «биллә қонуш» қа әвәтиливатқанлиқи қатарлиқ бир қатар вәһшиянә қилмишларниң һазир көпләп мәлум болуватқанлиқини баян қилип «нәччә вақиттин буян дуня ‹бизниң хәвиримиз йоқ икән' дәп кәлгән болса әмди буниңға немә дәйдикин?» дәп соал қойиду.

Уйғурлар һәққидә мәлум болуватқан хәвәрләрниң «инсан чидиғусиз» икәнликини алаһидә тәкитлигән җай нордлингер дуняниң һазир бу мәсилидә бир чоң синаққа дуч келиватқанлиқини көрситиду. Шуниңдәк ғәрб дунясиниң бу мәсилиләргә қарши дадиллиқ билән оттуриға чүшүши лазимлиқини, хитай билән болидиған сода ишлирида равурус ойлиниши, хитайдики зулумға һәмдәм болуштин сақлиниши, ахбарат саһәси вә филим дунясиниң уйғурларни алдинқи орунға қоюши лазимлиқини алаһидә тәкитләйду.

Пикирләр (0)
Share
Толуқ бәт