Дуня уйғур қурултийи дуня җамаәтчиликини он йил илгирики хаталиқини тәкрарлимаслиққа чақирди

Мухбиримиз ирадә
2019-07-04
Елхәт
Пикир
Share
Принт

Дуня уйғур қурултийи «5-июл үрүмчи қирғинчилиқи» ниң он йиллиқи мунасивити билән баянат елан қилип, дуня җамаәтчиликини он йил илгирики хаталиқини тәкрарлимаслиққа чақирди.

Дуня уйғур қурултийиниң баянатида он йил илгири йүз бәргән «5-июл үрүмчи қирғинчилиқи» да хитай һөкүмитиниң тинчлиқ билән намайиш қилған уйғурларни қанлиқ бастурғанлиқини тәкитләп «шу қетимлиқ вәқәдә миңлиған уйғур өлди, яриланди вә ғайиб қиливетилди. Бирақ хитай һөкүмити бу җинайити үчүн сораққа тартилмиди» дейилгән.

Дуня уйғур қурултийиниң рәиси долқун әйса баянаттики сөзидә «хәлқара җамаәтниң он йил илгирики бу қорқунчлуқ җинайәткә сүкүт қилиши хитай һөкүмитини җасарәтләндүрди. Нәтиҗидә бүгүнкидәк милйонларчә кишиниң лагерға қамилишидәк ақивәт келип чиқти» дәп әскәрткән. Д у қ хәлқара җамаәтни «5-июл үрүмчи қирғинчилиқи» ниң 10 йиллиқ хатирисидә охшаш хаталиқни тәкрарлимаслиққа вә хитай һөкүмитидин инсанийәткә қарши қиливатқан җинайәтлириниң сориқини қилишқа чақирған.

Баянаттин мәлум болушичә, «5-июл үрүмчи қирғинчилиқи» ниң он йиллиқи мунасивити билән дуня уйғур қурултийи вә һәрқайси дөләтләрдики уйғур тәшкилатлири зич һәмкарлишиш арқилиқ 14 дөләттики 22 шәһәрдә хитайға қарши кәң көләмлик намайишлар өткүзидикән.

Пикирләр (0)
Share
Толуқ бәт