Dunya Uyghur qurultiyi dunya jama'etchilikini on yil ilgiriki xataliqini tekrarlimasliqqa chaqirdi

Muxbirimiz irade
2019-07-04
Élxet
Pikir
Share
Print

Dunya Uyghur qurultiyi "5-Iyul ürümchi qirghinchiliqi" ning on yilliqi munasiwiti bilen bayanat élan qilip, dunya jama'etchilikini on yil ilgiriki xataliqini tekrarlimasliqqa chaqirdi.

Dunya Uyghur qurultiyining bayanatida on yil ilgiri yüz bergen "5-Iyul ürümchi qirghinchiliqi" da xitay hökümitining tinchliq bilen namayish qilghan Uyghurlarni qanliq basturghanliqini tekitlep "Shu qétimliq weqede minglighan Uyghur öldi, yarilandi we ghayib qiliwétildi. Biraq xitay hökümiti bu jinayiti üchün soraqqa tartilmidi" déyilgen.

Dunya Uyghur qurultiyining re'isi dolqun eysa bayanattiki sözide "Xelq'ara jama'etning on yil ilgiriki bu qorqunchluq jinayetke süküt qilishi xitay hökümitini jasaretlendürdi. Netijide bügünkidek milyonlarche kishining lagérgha qamilishidek aqiwet kélip chiqti" dep eskertken. D u q xelq'ara jama'etni "5-Iyul ürümchi qirghinchiliqi" ning 10 yilliq xatiriside oxshash xataliqni tekrarlimasliqqa we xitay hökümitidin insaniyetke qarshi qiliwatqan jinayetlirining soriqini qilishqa chaqirghan.

Bayanattin melum bolushiche, "5-Iyul ürümchi qirghinchiliqi" ning on yilliqi munasiwiti bilen dunya Uyghur qurultiyi we herqaysi döletlerdiki Uyghur teshkilatliri zich hemkarlishish arqiliq 14 dölettiki 22 sheherde xitaygha qarshi keng kölemlik namayishlar ötküzidiken.

Toluq bet