Chira nahiyesi éshincha emgek küchlirining yötkilishini 60ming adem qétimgha yetküzüshni pilan qilghan

Muxbirimiz ümidwar
2017-05-14
Élxet
Pikir
Share
Print

Uyghur rayoni da'irliri 10-may küni mexsus téléwiziye yighini chaqirip, qeshqer we xoten wilayetliridiki yéza éshincha emgek küchliridin 100 ming ademni üch yil ichide teshkillik türde yötkep ishqa orunlashturushni tekitligen idi.

Emma, yéza éshincha emgek küchlirini ichkiri xitay ölkiliridki zawut-fabrikilargha yötkep apirip ishlitish köp yillardin buyan izchil dawamlishiwatqanliqi melum.Biraq, xitay metbu'atliri yéqindin buyan melum sandiki yéza emgek küchlirini Uyghur rayoni ichidiki bezi zawutlargha orunlashturushqa bashlighanliqini xewer qilmaqta.

Bu yil ichide xoten wilayitining chira nahiyesidin yötkep ishqa orunlashturulghanlarning sani 28 ming adem qétimdin ashqan bolup, "Tengritagh tori"ning xewiridin ashkarilinishiche, chira nahiyesi bu yil yötkep ishqa orunlashturilidighan yéza artuq emgek küchlirining sanini 60 ming adem qétimgha yetküzüshni plan qilghan. Analizchilarning qarishiche, emeliyette chira nahiyesining ahalisi 130 ming etrapida bolup, chira nahiyesining mezkur pilani bu nahiyediki artuq emgek küchining köplükini körsitidiken.

Xewerdin melum bolushiche, yéqinda chira nahiyesning herqaysi yéza-bazarliridin kelgen 200 artuq emgekchini xitay néfit guruhi tarim néfitliki shirkitining poskam bazisigha yötkep ishqa orunlashturulghan. Biraq, mezkur emgek küchlirining ma'ash,teminat we bashqa parawanliq kapaletlirining bu néfitliktiki ishchilar we kadirlar bilen bolghan perqi heqqide uchur yoq. Lékin mezkur "Artuq emgek küchliri" seperge atlinish aldidiki murasimda xitay dölet bayriqigha qarap,:"Dölet qanuni we nizamlirigha qet'iy ri'aye qilimen!", "Wetenning birlikini, milletler ittipaqliqini qet'iy qoghdaymen!", "Emgek shereplik, halal emgek bilen béyiymiz!" dep qesem bergen.

"Shinjang géziti"ning maqaliside yéza éshincha emgek küchlirini yötkep orunlashturush "Siyasiy wezipe" dep bahalan'ghan idi.

Toluq bet