Enes kanter 2022-yilliq jasaret mukapatigha érishken we nobél tinchliq mukapatigha namzat körsitilgen

Muxbirimiz irade
2022.02.24
Share on WhatsApp
Share on WhatsApp

25 Xelq'araliq kishilik hoquq orginining birleshmisi bolup hésablinidighan “Jenwe kishilik hoquq we démokratiye bashliqlar yighini” özlirining eng nopuzluq kishilik hoquq mukapatini bu yil xitay hökümitining Uyghurlargha qiliwatqan irqiy qirghinchiliqini ochuq-ashkara tenqid qilip otturigha chiqqan amérikaliq waskétbol cholpini enes kanter firidomgha béridighanliqini jakarlighan.

“Jenwe bashliqlar yighini” bu heqtiki bayanatida “NBA Tenheriketchisi we pa'aliyetchi enes kanter xitayning Uyghurlar we bashqa azsanliq milletlerning ziyankeshlik qilishigha qarshi söz qilghanliqi üchün özining kespiy hayatini xewpke atti” dep teswirligen.

Birleshme agéntliqining xewer qilishiche, enes kanter “2022-Yilliq jasaret mukapati” ni qobul qilish üchün 6-aprél küni jenwede chaqirilidighan 14-nöwetlik jenwe kishilik hoquq we démokratiye yighinigha qatnishidiken.

Birleshken döletler teshkilatini közitish teshkilatining ijra'iye diréktori hilél né'ér muxbirlargha qilghan sözide enes kanterning libéral xelq'ara teshkilati, kishilik hoquq fondi we shu qatarliq 20 din artuq kishilik hoquq teshkilati teripidin kishilik hoquq üchün qehrimanlarche tirishchanliq körsetkenliki üchün tallan'ghanliqini éytqan.

Enes kanter firidom aldinqi hepte amérika dölet mejliside amérika kéngesh palata ezaliri teripidin qizghin kütüwéliniwatqan bir peytte, norwégiye parlaménti ezasi teripidin 2022-yilliq nobél tinchliq mukapatigha namzat qilip körsitilgenidi.

Enes kanter xitay hökümitining Uyghurlargha qiliwatqan irqiy qirghinchiliqini ochuq-ashkara tenqid qilip, xitaygha qarshi pa'aliyetlerdiki bayraqdar bolup qalghanidi. Yéqinda uning “Boston klétliqlar” komandisidin “Xyuston rakétasi” komandisigha almashturulush jeryanida tuyuqsiz “Xyuston rakétasi” komandisi teripidin toxtamining bikar qilinishi NBA komandisining xitaygha téz püküshi netijiside kélip chiqqan dep qaralghan. Weqedin kéyin amérika dölet mejlis ezaliri NBAni qattiq tenqid qilip bayanatlarni élan qilghan bolsa, 30 din artuq nobél tinchliq mukapati sahibi “Boston klétliqlar” komandisigha xet yézip uning toxtamini eslige keltürüshni telep qilghan.

Amérika kéngesh palata ezaliri enes kanterning menpe'et ornigha heqqaniyetni tallap, “Tarixning toghra sehipiliride yer alghanliqini”, bu sewebtin uning nobél mukapati namzatliqini qollaydighanliqini bildürüshti.

Melum bolushiche, enes kanter 23-féwral küni yene nobél tinchliq mukapati sahibi, tibet rohaniy dahiysi dalay lama bilenmu sin arqiliq körüshüp söhbette bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.