Әнглийәниң көзитиш камиралири назарәтчиси хитайниң хәйкаң ширкитини уйғурлар түпәйли сораққа тартқан

Мухбиримиз әркин
2021-08-20
Share

‍Әнгилийәниң көзитиш камиралирини назарәт қилиш комиссари хитайниң хәйкаң ширкитиниң уйғурларни дәпсәндә қилишиға иштирак қилғанлиқини сораққа тартқан. Әнглийәдики "регистер" намлиқ тор бекити хәйкәң шикитиниң әнгилийәдики тармиқи билән әнглийә көзитиш камиралири комиссариниң ‍өз ара йезишқан бу һәқтики кәскин язмилирини ашкарлиған.

"регистер" ториниң ейтишичә, хәйкаң ширкитиниң көзитиш камиралири комиссари, профессор фрейзер сампсон билән йезишқан язмилирида хәйкаң ширкити уйғурларниң ‍инсан һәқлирини дәпсәндә қилишқа четишлиқ, дәп әйинләнгән. Лекин хәйкаң ширкити өзлириниң хаталашқанлиқини ‍инкар қилған.

Хитайниң хәйкаң технологийә ширкити илгири хитай һөкүмитиниң уйғур илида юқури техникалиқ назарәт системиси қурушиға һәмкарлишип, һөкүмәтниң нурғун тохтамлириға еришкән вә буниңдин зор пайда тапқан. Мәлум болушичә, бу ширкәт еришкән тохтамлар уйғур елидики лагер, түрмә, мәсчитләргә йүз тонуш камералирини орунлаштурушни өз ‍ичигә алған. Шу түпәйли америка сода министирлиқи 2020-йили хәйкаң ширкитини ‍өзиниң "қара тизимлики" гә алған иди.

Мәлум болушичә, комиссар фрейзер сампсон бу ширкәткә язған бир язмисида, униң шерикилиригә әвәткән хетидә "шинҗаң уйғур аптоном районидики уйғур вә башқа аз санлиқ милләтләргә қарита садир қилиниватқан җинайәтни қобул қилған-қилмиғанлиқи ениқ әмәслики" ни, униңға ениқлима беришини тәләп қилған.

Хәйкаңниң әнгилийәдики тармақ ширкитиниң базар ишлири дериктори җастин холлис 10-авғуст қайтурған хетидә, хайкаңниң "бу ишқа қарар қилидиған һоқуқлиқ орун әмәслики" ни илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт