En'giliye ishlitiwatqan xitay kaméralirining Uyghur rayonidiki lagérlarghimu orunlashturulghanliqi melum bolghan

Muxbirimiz erkin
2021-11-29
Share

En'giliyening xitay téxnologiye shirketliridin sétiwélip ishlitiwatqan bixeterlik kaméralirining Uyghur rayonidiki jaza lagérlirighimu orunlashturulghanliqi melum bolghan.

‍En'giliyening “Yekshenbilik pochta” gézitining xewer qilishiche, en'giliyening ikki xitay shirkitidin sétiwalghan 275 mingdin artuq ayrim tor arqiliq en'giliyeliklerni nazaret qilishta ishlitiwatqan bixeterlik kamiralirining Uyghur élidiki 5 jaza lagérighimu orunlashturulghanliqi bayqalghan.

Xewerde bu kaméralarning hemmisini xitayning xeykang téxnologiye shirkiti bilen daxu'a téxnologiye guruhi ishlepchiqarghanliqi, en'giliyening dunyadiki xitay ishlepchiqarghan bixeterlik kaméralirini ishlitidighan 4-chong dölet ikenliki tekitlen'gen. Xeykang shirkiti bilen duxu'a guruhi xitay hökümitining Uyghur élida yuquri téxnikaliq nazaret sistémisi qurup, Uyghurlargha “Irqiy qirghinchiliq” yürgüzüshige yardemlishish bilen eyiblinip kelgen xitay téxnologiye shirketliridur. Bu ikki shirket 2020-yili amérikaning sabiq tramp hökümiti teripidin “Qara tizimlik” ke kirgüzülgen idi.

“Yekshenbilik pochta” gézitining éytishiche, bu ehwalni amérikadiki IPVM namliq bir tor bixeterlik tetqiqat orni bayqighan bolup, bu orun yéqinda Uyghur éligha bérip rayondiki jaza lagérlirini mexpiy sin'gha élip chet el ijtima'iy taratqulirida élan qilghan xitay pa'aliyetchisining sinliq süretlirini analiz qilghan. Ular bu arqiliq 5 lagérdiki bixeterlik kaméralirining en'giliye ishlitiwatqan xeykang we daxu'a shirketlirining mehsulati bilen oxshash ikenlikini bayqighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet