Londonning sherqige jaylashqan xitay elchixanisi etrapidiki yolgha Uyghur we tibetlerni qollaydighan nam bérilidiken

Muxbirimiz jewlan
2021-04-09
Share

Ötkenki xewirimizde, londonning sherqige jaylashqan towér xamléts rayoni sheher komitéti ezalirining bu rayon'gha köchüp kelmekchi bolghan xitay elchixanisining etrapidiki yollargha "Uyghur seynasi, xongkong yoli" dégendek namlar bérishni oylishiwatqanliqi heqqide melumat bergeniduq.

2018-Yil xitay london munarining uduligha jaylashqan zawut binasini 250 milyon fond stérlinggha sétiwélip, yawropa boyiche eng chong elchixana salmaqchi bolghan. Emma xitayning xongkongni basturushi, Uyghurlargha irqiy qirghinchiliq yürgüzüshi sewebidin en'gliye parlaménti ezaliri, bolupmu towér xamléts rayoni wekilliri buninggha qarshi chiqqan. Erkin démokratlar partiyesidin bolghan rabina xan ötken hepte bir teklip sunup, xitay elchixanisi jaylishidighan kebil kochisining fashizm we irqiy qirghinchiliqqa qarshi turushning simwoligha aylan'ghan tarixiy bir jay ikenlikini, xitay elchixanisining bu yerge jaylishishigha qarshi chiqmisimu, xitayning kishilik hoquq depsendichilikige qarshi turidighanliqini bildürgen.

Towér xamléts rayoni sheher komitéti xitay elchixanisining etrapidiki yol we qurulushlargha "Tyen'enmén meydani, Uyghur seynasi, xongkong yoli, tibet téghi" dep nam bérish toghruluq bélet tashlighan. Yéqinda yene mezkur sheher rayoni komitéti bu teklipni qollaydighan 700 parche élxet tapshuruwalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet