Әнглийә парламентида уйғур мәсилиси йәнә күнтәртипкә кәлди

Әнглийә дөләт министири нигел адамс уйғурларни хорлаватқан хитай әмәлдарлириға магнитский қанунини ишлитишни ойлишиватқанлиқи, лекин кишиләрниң исмини тәләппуз қилишниң мувапиқ болмайдиғанлиқини билдүргән. У бу сөзләрни әнглийә парламенти авам палатасиниң 12-ноябир өткүзүлгән йиғинида тәкитлигән. У йиғинда авам палата әзалириниң соаллириға җаваб бәргән. Йиғинда һөкүмәтниң немә үчүн уйғурларни хорлаватқан хитай әмәлдарлириға магнитиский қанунини ишләтмәйдиғанлиқи тәнқидләнгән.

Йиғинда авам палата нусрәт ғәни, әнглийәгә дост вә иттипақдаш дөләтләр “хитай әмәлдарлириниң уйғурларни хорлаватқанлиқиға даир йетәрлик дәлил-испатларни топлаватқан болса, униңға қарашлиқ министирлиқниң шундақ қилишиға немә тосалғу болуватқанлиқини сориған. Нигел адамс униңға өзлириниң һәрқандақ дәлил испатни ойлишидиғанлиқи, әгәр униң бундақ бир дәлил испати болса өзлирини тәминләшкә үндәйдиғанлиқи” ни билдүргән.

Авам палата әзаси сараһ овен, хоңкоңда кишилик һоқуққа дәхли-тәруз қилған, уйғурларға зулум салған хитай әмәлдарлирини ениқлаш иши қандақ илгириләшкә еришкәнлики, һөкүмәтниң магнитиский қанунини қачан ишлитидиғанлиқини сориған. Нигел адамс болса хитай даирилиригә униң һәрикитиниң қобул қилинмайдиғанлиқини ениқ ейтқанлиқи билдүрүп, “магнитиский қанунини ишлитишни давамлиқ ойлишиватимиз. Лекин ойлишиватқан кишиләрниң исмини тәләппуз қилиш мувапиқ болалмайду” дегән.