En'giliye tashqiy ishlar ministiri: “Uyghurlarning mejburiy emgekke séliniwatqanliqigha a'it pakitlar intayin küchlük”

En'giliye xitayning Uyghurlarni mejburiy emgekke séliwatqanliqi heqqidiki pakitlarning intayin ishenchiliklikini éytqan.

Roytérs agéntliqining xewirige qarighanda, en'giliyening tashqiy ishlargha mes'ul ministiri nigil adams en'giliye parlaméntida söz qilip mundaq dégen: “Shinjangda we xitayning bashqa jaylirida Uyghurlarning mejburiy emgekke séliniwatqanliqi heqqidiki ispatlar intayin ishenchlik. Bu ispatlar künséri köpiyiwatidu, küchiyiwatidu. Bu weziyet en'giliye hökümitini endishige salmaqta.”

Nigil adams yene yéqinda az dégende yérim milyondin artuq Uyghurning mejburiy paxta térishqa sélin'ghanliqi heqqide chiqqan xewerler üstidimu toxtilip, xelq'aradiki dangliq kiyim-kéchek markilirining mana mushu mejburiy emgek asasidiki paxtilarni xam eshya qiliwatqanliqini, buninggha xatime bérilishi kéreklikini éytqan.

Xitay hökümitining Uyghurlarni mejburiy emgekke sélish asasida ishlepchiqiriliwatqan mehsutlarning hazir dunya bazirini igiligen bolushidin ibaret bu pakit amérika we yawrupadiki döletlerde küchlük munazire qozghimaqta. Bu döletlerdiki nurghun siyasiyonlar, kishilik hoquq aktipliri mejburiy emgek asasidiki mehsulatlarni sétiwalmasliq heqqide xelq ammisigha chaqiriq qilish bilen birge, hökümetlerni buninggha qarshi tedbir qollinishqa chaqirmaqta.