Әрдоған билән обама анталяда көрүшти

Мухбиримиз үмидвар
2015-11-15
Share


Түркийәниң оттура йәр деңизи бойидики анталя шәһиридә 20 дөләт гуруһи алий рәһбәрләр йиғини башланди. Мәзкур йиғинға қатнишиш үчүн анталяға кәлгән америка президенти барак обама йәкшәнбә күни түркийә президенти рәҗәп тайип әдорған тәрипидин қизғин күтүвелинип, икки рәһбәр арисида сөһбәт өткүзүлди.

Түркийә мәтбуатлиридин түркийә авазиниң хәвәр қилишичә, президент обамани қизғин қарши алған түркийә президенти әрдоған обама билән көрүшүп сөзләшкәндә, өзиниң парижда йүз бәргән террорлуқ һуҗумни қаттиқ әйибләйдиғанлиқини әскәрткән.

Бирләшмә агентлиқиниң хәвәр қилишичә, президент барак обама әрдоған билән болған учришишта 13 - ноябир күни франсийидә вә бу йил өктәбирдә әнқәрәдә йүз бәргән бигунаһ адәмләрни өлтүрүш террорлуқ һуҗумлирини әйибләп,бурмиланған идеологийигә асаслинип, һеч гунаһсиз адәмләрни өлтүрүш, йәни бу пәқәт франсийәгә қилинған һуҗум вә түркийәгә қилинған һуҗум болупла қалмастин бәлки пүтүн мәдәнийәтлик дуняға қилинған һуҗум, дегән.

Президент обама билән әрдоған даешқа қарши сүрийәдики күрәш вә бирләшмә күчләрниң буниңдин кейинки һәрикәтлири вә башқа мәсилиләр бойичә пикир алмаштурған шуниңдәк бу саһәдә икки тәрәп һәмкарлиқиниң күчәйтилидиғанлиқи билдүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт