Erdoghan bilen obama antalyada körüshti

Muxbirimiz ümidwar
2015-11-15
Share


Türkiyening ottura yer déngizi boyidiki antalya shehiride 20 dölet guruhi aliy rehberler yighini bashlandi. Mezkur yighin'gha qatnishish üchün antalyagha kelgen amérika prézidénti barak obama yekshenbe küni türkiye prézidénti rejep tayip edorghan teripidin qizghin kütüwélinip, ikki rehber arisida söhbet ötküzüldi.

Türkiye metbu'atliridin türkiye awazining xewer qilishiche, prézidént obamani qizghin qarshi alghan türkiye prézidénti erdoghan obama bilen körüshüp sözleshkende, özining parizhda yüz bergen térrorluq hujumni qattiq eyibleydighanliqini eskertken.

Birleshme agéntliqining xewer qilishiche, prézidént barak obama erdoghan bilen bolghan uchrishishta 13 - noyabir küni fransiyide we bu yil öktebirde enqerede yüz bergen bigunah ademlerni öltürüsh térrorluq hujumlirini eyiblep,burmilan'ghan idé'ologiyige asaslinip, héch gunahsiz ademlerni öltürüsh, yeni bu peqet fransiyege qilin'ghan hujum we türkiyege qilin'ghan hujum bolupla qalmastin belki pütün medeniyetlik dunyagha qilin'ghan hujum, dégen.

Prézidént obama bilen erdoghan da'éshqa qarshi süriyediki küresh we birleshme küchlerning buningdin kéyinki heriketliri we bashqa mesililer boyiche pikir almashturghan shuningdek bu sahede ikki terep hemkarliqining kücheytilidighanliqi bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet