Әрдоғанниң уйғурлар мәсилисидә хитай тәрәпкә еғип кетиши зор диққәт қозғиди

Мухбиримиз әзиз
2019-07-02
Елхәт
Пикир
Share
Принт

Хитайда зиярәттә болуватқан түркийә җумһурийитиниң рәиси рәҗәп таййиб әрдоған 2-июл күни хитай рәиси ши җинпиң билән хизмәт сөһбитидә болди.

Сөһбәт җәрянида әрдоған һәрқандақ шәхсниң түркийә-хитай мунасивитигә зиян селишиға йол қоюлмайдиғанлиқини, түркийәниң қәтий һалда әсәбийликкә қарши туруп, хитай билән болған сиясий җәһәттики ишәнчни ашурушқа күч сәрп қилидиғанлиқини билдүргән. Шундақла «шинҗаңдики хәлқләрниң бәхтияр турмуш кәчүрүватқанлиқи һәммигә аян пакит» дегән.

Түркийәдә чиқидиған «һөрийәт» гезитиниң 2-июлдики хәвиридә ейтилишичә, әрдоған мухбирларға сөз қилип: «түркийә билән хитайниң өзара һәмкарлиқ мунасивитини ашурушниң йошурун күчи зор» дегән. Шундақла өзиниң ши җинпиң иҗра қиливатқан «бир бәлвағ бир йол қурулуши» ниң дунядики һәрқайси әлләр арисида сода вә тәрәққият һәмкарлиқ торини бәрпа қилипла қалмастин, йәнә мәдәнийәт вә инсанийәт дунясини бир-биригә бағлаш ролини ойнайдиғанлиқиға ишинидиғанлиқини билдүргән.

Мәлум болушичә, түркийә һазирға қәдәр уйғурлар дуч келиватқан сиясий бастурушлар һәққидә хитайни тәнқидлигән аз сандики дөләтләрниң бири иди.

Пикирләр (0)
Share
Толуқ бәт