Erdoghanning Uyghurlar mesiliside xitay terepke éghip kétishi zor diqqet qozghidi

Muxbirimiz eziz
2019-07-02
Élxet
Pikir
Share
Print

Xitayda ziyarette boluwatqan türkiye jumhuriyitining re'isi rejep tayyib erdoghan 2-iyul küni xitay re'isi shi jinping bilen xizmet söhbitide boldi.

Söhbet jeryanida erdoghan herqandaq shexsning türkiye-xitay munasiwitige ziyan sélishigha yol qoyulmaydighanliqini, türkiyening qet'iy halda esebiylikke qarshi turup, xitay bilen bolghan siyasiy jehettiki ishenchni ashurushqa küch serp qilidighanliqini bildürgen. Shundaqla "Shinjangdiki xelqlerning bextiyar turmush kechürüwatqanliqi hemmige ayan pakit" dégen.

Türkiyede chiqidighan "Höriyet" gézitining 2-iyuldiki xewiride éytilishiche, erdoghan muxbirlargha söz qilip: "Türkiye bilen xitayning öz'ara hemkarliq munasiwitini ashurushning yoshurun küchi zor" dégen. Shundaqla özining shi jinping ijra qiliwatqan "Bir belwagh bir yol qurulushi" ning dunyadiki herqaysi eller arisida soda we tereqqiyat hemkarliq torini berpa qilipla qalmastin, yene medeniyet we insaniyet dunyasini bir-birige baghlash rolini oynaydighanliqigha ishinidighanliqini bildürgen.

Melum bolushiche, türkiye hazirgha qeder Uyghurlar duch kéliwatqan siyasiy basturushlar heqqide xitayni tenqidligen az sandiki döletlerning biri idi.

Toluq bet