Д у қ баянатчиси зумрәтай әркин розвелит фонди җәмийити тәрипидин әркинлик мукапатиға еришти

(Roosevelt Foundation) Америкадики розвелт фонди җәмийити дуня уйғур қурултийи Хәлқара алақә бөлүминиң директори вә Вә баянатчиси зумрәтай әркинниң уйғурларниң һәқ-һоқуқини қоғдаш үчүн қилған күришини тәқдирләш мәқсити билән униңға “әркинлик мукапати” бәргән.

Розвелт фонди җәмийити тәрипидин берилидиған мукапатқа еришкүчиләргә әркинликкә капаләтлик қилиш вә кишилик һоқуқни қоғдаш үчүн қилған хизмитигә асасән “төт әркинлик мукапати” берилидикән. Бу әркинлик медали һәр йили америка президенти франклин розвелт 1941-йили елан қилған төт әркинликни илгири сүрүшкә хизмәт қилған шәхс вә тәшкилатларға тарқитилип кәлгән.

Розвелт фонди җәмийити “төт әркинлик” ниң рәсмий торида зумрәтай әркингә әркинлик мукапати бериш сәвәби мундақ баян қилинған: “зумрәтай әркин узун йиллардин буян шинҗаңдики уйғурларниң һоқуқи үчүн паалийәт елип барди. Зумрәтай хитайниң уйғурларниң диний әркинликини бастурушиға вә уйғур хәлқиниң кишилик һоқуқиға дәхли-тәруз қилишиға хәлқараниң диққитини тартти. У дуня миқясидики аяллар үчүн уйғур достлуқ гурупписи қурди вә уйғур мусапирлирини қоллаш үчүн бошашмай тиришиватиду. У йәнә дуня уйғур қурултийиниң баянатчиси. У бирләшкән дөләтләр тәшкилатини өз ичигә алған хәлқаралиқ мунбәрләрдә уйғур мәдәнийитини, дини вә тилини қоғдашни тәшәббус қилиду. Зумрәтай авазсизларниң авази болмақта”.

Мәзкур әркинлик мукапати “төт әркинлик мукапати” дәп аталған болуп, 1982-йили розвелт фонди җәмийити тәрипидин тәсис қилиниған вә һазирғичә көплигән шәхс һәм тәшкилатларға “төт әркинлик мукапати” берилгән. Мәзкур төт әркинлик сөз әркинлики вә ибадәт әркинлики қатарлиқларни өз ичигә алиду.