D u q bayanatchisi zumret'ay erkin rozwélit fondi jem'iyiti teripidin erkinlik mukapatigha érishti

(Roosevelt Foundation) Amérikadiki rozwélt fondi jem'iyiti dunya Uyghur qurultiyi Xelq'ara alaqe bölümining diréktori we We bayanatchisi zumret'ay erkinning Uyghurlarning heq-hoquqini qoghdash üchün qilghan kürishini teqdirlesh meqsiti bilen uninggha “Erkinlik mukapati” bergen.

Rozwélt fondi jem'iyiti teripidin bérilidighan mukapatqa érishküchilerge erkinlikke kapaletlik qilish we kishilik hoquqni qoghdash üchün qilghan xizmitige asasen “Töt erkinlik mukapati” bérilidiken. Bu erkinlik médali her yili amérika prézidénti franklin rozwélt 1941-yili élan qilghan töt erkinlikni ilgiri sürüshke xizmet qilghan shexs we teshkilatlargha tarqitilip kelgen.

Rozwélt fondi jem'iyiti “Töt erkinlik” ning resmiy torida zumret'ay erkin'ge erkinlik mukapati bérish sewebi mundaq bayan qilin'ghan: “Zumret'ay erkin uzun yillardin buyan shinjangdiki Uyghurlarning hoquqi üchün pa'aliyet élip bardi. Zumret'ay xitayning Uyghurlarning diniy erkinlikini basturushigha we Uyghur xelqining kishilik hoquqigha dexli-teruz qilishigha xelq'araning diqqitini tartti. U dunya miqyasidiki ayallar üchün Uyghur dostluq guruppisi qurdi we Uyghur musapirlirini qollash üchün boshashmay tirishiwatidu. U yene dunya Uyghur qurultiyining bayanatchisi. U birleshken döletler teshkilatini öz ichige alghan xelq'araliq munberlerde Uyghur medeniyitini, dini we tilini qoghdashni teshebbus qilidu. Zumret'ay awazsizlarning awazi bolmaqta”.

Mezkur erkinlik mukapati “Töt erkinlik mukapati” dep atalghan bolup, 1982-yili rozwélt fondi jem'iyiti teripidin tesis qilinighan we hazirghiche köpligen shexs hem teshkilatlargha “Töt erkinlik mukapati” bérilgen. Mezkur töt erkinlik söz erkinliki we ibadet erkinliki qatarliqlarni öz ichige alidu.