Әрминийәдә өктичиләр қораллиқ сақчи күчлиригә һуҗум қилди

Мухбиримиз үмидвар
2016-07-17
Share

Түркийәдә һәрбий сиясий өзгириш вәқәси йүз берип икки күндин кейин түркийә билән чегридаш әрменийә җумһурийити пайтәхти йереван шәһириниң сиртидики бихәтәрлик қошунлири җайлашқан бир базиға һуҗум қилиш вәқәси йүз бәрди.

Б б с агентлиқиниң хәвәр қилишичә, әрменийә миллий бихәтәрлик оргини йәкшәнбә күни бир топ адәмләрниң йереван шәһири йенидики әрбуни райониға җайлашқан чарлаш сақчи күчлири полкиға һуҗум қилип игиләп, әрменийә һөкүмитидин "йеңи әрменийә" иҗтимаий фронти дәп аталған сиясий тәшкилатниң қолға елинған рәһбири җирайра сефилиянни қоюп беришни тәләп қилған.Һуҗумчилар йәнә әрменийә президенти сержа саргасиянни вәзиписидин истипа беришкә чақирған.

Мәлум болушичә, мәзкур һуҗум вәқәсидә бир сақчи өлгән вә бир қанчә киши яриланған болуп, сақчи тәрәп билән һуҗумчилар тәрәп арисида гөрүгә еливелинғанларни қоюп бериш һәққидә сөһбәт елип берилған. Хәвәр мәнбәлиридә көрситилишичә, һуҗумчилар азад қилишни тәләп қилған өктичи рәһбири әрменийә һөкүмитини тағлиқ қарабағ мәсилисидә көп қетим тәнқид қилған икән.

Б б с ниң хәвәр қилишичә, әрменийә түркийәдики һәрбий сияси өзгириш йүзбериш әһвалиға алаһидә диққәт қилған. Анализчилар түркийәдики бу өзгириш вәқәлириниң әтраптики дөләтләргиму күчлүк тәсир көрситиши мумкинлики пәрәз қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт