Erminiyede öktichiler qoralliq saqchi küchlirige hujum qildi

Muxbirimiz ümidwar
2016-07-17
Share

Türkiyede herbiy siyasiy özgirish weqesi yüz bérip ikki kündin kéyin türkiye bilen chégridash erméniye jumhuriyiti paytexti yéréwan shehirining sirtidiki bixeterlik qoshunliri jaylashqan bir bazigha hujum qilish weqesi yüz berdi.

B b s agéntliqining xewer qilishiche, erméniye milliy bixeterlik orgini yekshenbe küni bir top ademlerning yéréwan shehiri yénidiki erbuni rayonigha jaylashqan charlash saqchi küchliri polkigha hujum qilip igilep, erméniye hökümitidin "Yéngi erméniye" ijtima'iy fronti dep atalghan siyasiy teshkilatning qolgha élin'ghan rehbiri jirayra séfiliyanni qoyup bérishni telep qilghan.Hujumchilar yene erméniye prézidénti sérzha sargasiyanni wezipisidin istipa bérishke chaqirghan.

Melum bolushiche, mezkur hujum weqeside bir saqchi ölgen we bir qanche kishi yarilan'ghan bolup, saqchi terep bilen hujumchilar terep arisida görüge éliwélin'ghanlarni qoyup bérish heqqide söhbet élip bérilghan. Xewer menbeliride körsitilishiche, hujumchilar azad qilishni telep qilghan öktichi rehbiri erméniye hökümitini taghliq qarabagh mesiliside köp qétim tenqid qilghan iken.

B b s ning xewer qilishiche, erméniye türkiyediki herbiy siyasi özgirish yüzbérish ehwaligha alahide diqqet qilghan. Analizchilar türkiyediki bu özgirish weqelirining etraptiki döletlergimu küchlük tesir körsitishi mumkinliki perez qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet