"Namratliqtin qutquzush" namida Uyghurlarning erzan emgek küchige aylandurulushi diqqet qozghidi

Muxbirimiz eziz
2019-01-15
Share

Uyghurlar diyaridiki siyasiy basturush xelq'ara jama'et arisida zor ghulghula peyda qilghandin kéyin xitay hökümiti "Kespiy terbiyelesh mektipi" achqanliqi heqqidiki teshwiqatlargha yandashturup "Uyghurlarni namratliqtin qutquzush" ta qandaq netijilerni qolgha keltürgenlikini teshwiq qilishqa bashlidi.

"Shinjang géziti" ning 14-yanwardiki xewiride mekit nahiyesidin 800 etrapida Uyghur yashning ichkiridiki zawutlargha bérip zawutlarda ishlemchilik qilish arqiliq "Bay bolushqa atlan'ghanliqi" alahide xewer qilin'ghan.

Xewerde mekittin ötken yili 2900 din artuq yash ichkirige ewetilgenliki shuningdek "Oshuqche emgek küchlirini ichkirige yötkesh" namida Uyghur yashlirini ichkirige apirip zawutlargha ishchiliqqa orunlashturushning bir qisim Uyghur yashlirini "Bay" qilghanliqi yene bir qétim eslitilgen. Emma közetküchiler izchil buni ret qilip "Xitaydiki xitay puqraliri yaratmaywatqan töwen ma'ashliq xizmetni Uyghurlargha bérish bilen Uyghurlar bay bolalmaydu. Buningda 'jinning qesti shaptulda' dégendek ishlar boluwatidu" dégen idi.

Xitay hökümitining neshr epkari bolghan "Yershari waqit géziti" 15-yanwarda mexsus maqale élan qilip "2018-Yili shinjangdiki namratliqning yérimi tügitildi" dep xulase chiqarghan. Shuningdek ötken bir yilda 500 mingdin artuq kishining namratliqtin qutulghanliqini, buning bilen "Qosh tilliq ma'aripqa" téximu bekrek zéhin qoyushqa mumkin boluwatqanliqini tekitligen. Emma Uyghurlar diyarining herqaysi jayliridiki barliq mekteplerde Uyghur tilining men'i qilin'ghanliqi heqqide éghiz achmighan. Uyghurlar diyaridin qéziliwatqan, her yili xitay iqtisadini nechche yüz milyard amérika dolliri qimmitide bayliq bilen teminlewatqan yer asti we yer üsti bayliqlirining ishlitilishi heqqide téximu söz qilinmighan.

Yéqinda "Zimistan" zhurnili mexsus xewer élan qilip, xitay hökümiti izchil tekitlewatqan "Kespiy terbiyelesh mektipi" diki Uyghurlarning "Hüner öginip emgek qilishi" ning ich sirini pash qilghan. Uningda éytilishiche, öz iradisige xilap halda "Mektep" dep atiliwatqan lagérlargha qamalghan Uyghurlar mejburiy shekilde heqsiz emgeklerge sélinmaqta iken. Ular bu jaydiki lagérlargha yandash sélin'ghan zawutlarda "Özgertish" ning bir qismi süpitide zawut ishchiliri ornida heqsiz emgek qilmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet