Қағилиқниң қарақурум тағлиқ районлиридин көчүрүп келингән уйғур деһқан-чарвучилар әрзан баһалиқ әмгәк күчлиригә айланған

Мухбиримиз әркин
2020-11-27
Share

Хитай һөкүмити 2017-йилдин башлап қағилиқ наһийәсиниң қарақурум тағлиқ районидики уйғур деһқан-чарвучилирини “намратлиқтин қутқузуш” намида кәң көләмлик көчүргән иди. Шинхуа агентлиқиниң хәвиридин мәлум болушичә, нөвәттә юрт-макани вә әнәниви турмуш усулидин айрилған бу деһқан-чарвучилар хитай завут-карханилириниң әрзан баһалиқ әмгәк күчлиригә айланған болуп, көчүп барған җайдики хитай завут-карханилирида вә йеза-игилик фермилирида ишлитилмәктә икән.

Хитай һөкүмити 2017-йилдин башлап қағилиқниң көкяр қатарлиқ тағлиқ районлирида олтурушлуқ 14 миң уйғур деһқан-чарвучини бу наһийәниң ақташ базириға көчүрүп кәлгән. Әйни вақитта хитайниң тағлиқ районлардики әркин игилик билән шуғуллинидиған уйғур деһқан-чарвучилирини көчүрүш мәқсити суал пәйда қилған иди. Хитай даирилириниң пилани уйғур деһқан-чарвучилирини әрзан баһалиқ мәҗбурий әмгәк күчлиригә айландуруп, уларни техиму үнүмлук контрол қилишни мәқсәд қилған, дәп тәнқид қилинған иди.

Шинхуа агентлиқиниң билдүрүшичә, нөвәттә ақташ базириға көчүрүп келингән уйғур деһқан-чарвучилири хитайларниң бу базарға қурулған аяқ завути, көктат парниклирида ишлимәктә икән. Хитай һөкүмити 2017-йили башланған чоң тутқун билән тәң уйғур йеза-базарлирида нурғун карханиларни қурған. Уйғур деһқан-чарвучилирини йәр маканидин айрип, бу завут-карханиларға бағлиқ әрзан әмгәк күчлиригә айландурған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт