Qaghiliqning qaraqurum taghliq rayonliridin köchürüp kélin'gen Uyghur déhqan-charwuchilar erzan bahaliq emgek küchlirige aylan'ghan

Muxbirimiz erkin
2020-11-27
Share

Xitay hökümiti 2017-yildin bashlap qaghiliq nahiyesining qaraqurum taghliq rayonidiki Uyghur déhqan-charwuchilirini “Namratliqtin qutquzush” namida keng kölemlik köchürgen idi. Shinxu'a agéntliqining xewiridin melum bolushiche, nöwette yurt-makani we eneniwi turmush usulidin ayrilghan bu déhqan-charwuchilar xitay zawut-karxanilirining erzan bahaliq emgek küchlirige aylan'ghan bolup, köchüp barghan jaydiki xitay zawut-karxanilirida we yéza-igilik férmilirida ishlitilmekte iken.

Xitay hökümiti 2017-yildin bashlap qaghiliqning kökyar qatarliq taghliq rayonlirida olturushluq 14 ming Uyghur déhqan-charwuchini bu nahiyening aqtash bazirigha köchürüp kelgen. Eyni waqitta xitayning taghliq rayonlardiki erkin igilik bilen shughullinidighan Uyghur déhqan-charwuchilirini köchürüsh meqsiti su'al peyda qilghan idi. Xitay da'irilirining pilani Uyghur déhqan-charwuchilirini erzan bahaliq mejburiy emgek küchlirige aylandurup, ularni téximu ünümluk kontrol qilishni meqsed qilghan, dep tenqid qilin'ghan idi.

Shinxu'a agéntliqining bildürüshiche, nöwette aqtash bazirigha köchürüp kélin'gen Uyghur déhqan-charwuchiliri xitaylarning bu bazargha qurulghan ayaq zawuti, köktat parniklirida ishlimekte iken. Xitay hökümiti 2017-yili bashlan'ghan chong tutqun bilen teng Uyghur yéza-bazarlirida nurghun karxanilarni qurghan. Uyghur déhqan-charwuchilirini yer makanidin ayrip, bu zawut-karxanilargha baghliq erzan emgek küchlirige aylandurghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet