Xitay Uyghur "Yéza éshincha emgek küchliri" ni korona wirusining merkizi bolghan ölkilerge dawamliq yollimaqta

Muxbirimiz erkin
2020-02-28
Share

Xitay hökümiti Uyghur diyarining jenubigha jaylashqan wilayet, oblastlardiki Uyghur yash qiz-oghullirini "Yéza éshincha emgek küchliri" namida korona wirusining merkizi bolghan xitay ölkilirige dawamliq ayropilanda yolgha salmaqta. "Shinjang géziti" ning xewer qilishiche, yerlik da'iriler 27‏-féwral küni xoten shehiri we qaraqash nahiyesidin yene 353 neper Uyghur yashni xitayning gu'angshi we fujyen ölkilirige yolgha salghan.

Xitayning wuxen shehiride partlighan korona wirusining pütün xitayni qaplap, xitaydiki nurghun ölke-sheherler puqralarning kochigha chiqishini chekligen mezgilde Uyghur yashlirining bu jaylargha türkümlep ishlemchilikke ewetilishi chet'eldiki Uyghurlarni qattiq endishige salghan. Bu, ularda xitay da'irilirining meqsitige qarita so'al peyda qilghan idi. 

Bu yéqinqi bir hepte ichide xotendin ichkiri ölkilerge yolgha sélin'ghan 2‏-türküm kishilerdur. Buning aldida xitay hökümiti xotendin 171 neper Uyghur yashni ayropilanda xitayning changsha shehirige yolgha salghan. Yerlik da'iriler yene 26‏-féwral küni aqchi nahiyesidin 133 neper ishlemchini xitayning jyangsu ölkisidiki wushigha yolgha salghanidi. "Shinjang géziti" ning xewiride ashkarilinishiche, 27‏-féwral xotendin yolgha sélin'ghan 353 neper ishlemchining 179 nepiri xoten shehiridin, 174 nepiri qaraqash nahiyesidin iken. 

Chet'eldiki Uyghurlar, xitay hökümitining Uyghur "Yéza éshincha emgek küchliri" ni korona wirusining rayondiki lagérlargha tarqilip, éghir aqiwetlerni keltürüp chiqirishidin shundaqla mezkur rayonda yolgha qoyulghan karantin tedbirlirining rayonda acharchiliq peyda qilishidin qattiq endishe qiliwatqan bir mezgilde ichki ölkilerge yolgha sélishini: "Pilanliq tewekkülchilik" dep eyiblimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet