Feysbuk xitayning "Shinjangdiki bextlik musulmanlar" gha a'it élanliridin ensirep qalghan

Muxbirimiz erkin
2021-04-05
Share

Feysibuk xitayda cheklen'gen bolsimu, biraq xitayning mezkur ijtima'iy alaqe supisida özining Uyghur élidiki musulmanlarning "Bextlik yashawatqanliqi" gha a'it teshwiqat we élan-sen'etlirini keng kölemlik tarqitishi feysibuk xadimlirini ensiritip qoyghan. "Wal stérét zhurnili géziti" ning xewer qilishiche, bu endishe feysibuk xadimlirining ichki qismida yézishqan bu heqtiki xet-chek we muzakiriliride ipadisini tapqan bolup, ular xitayning feysibukni özining siyasiy teshwiqatigha ishlitiwatqanliqi, xitay teshkilatlirining namida élan qilin'ghan bu teshwiqatlarda shinjangdiki Uyghur musulmanlirining gewdilendürüliwatqanliqi bildürülgen.

Xewerde, amérika we bezi yawropa hökümetlirining xitayni Uyghurlargha "Irqiy qirghinchiliq" qildi, dégenliki, bu siyasiy ménge yuyush, keng kölemlik tutqun we mejburiy tughmas qilish qatarliqlarni öz ichige alidu, dep körsitiwatqanliqi bildürülgen. Xewerde éytilishiche, weqedin xewerdar kishiler feysbukning buninggha tedbir qollinish-qollanmasliqni téxi qarar qilmighanliqi, b d t gha oxshash xelq'ara organlarning shinjang weziyitige qandaq inkas qayturushigha qarawatqanliqini éytqan.

Xewerde yene b d t ning ötken hepte shinjanggha chétishliq shirketlerni "Insan heqliride hoshyar bolushqa" chaqirghanliqi, biraq bir feysibuk bayanatchisining "Béyjingning shinjanggha alaqidar élan sen'etlirining hazirqi mewjut qa'ide-tüzümge xilap emes" dégenliki, "Élan-sen'et bergüchi feysibukning qa'idisige emel qilsila bolidighanliqi" ni bildürgenliki tekitlen'gen. Xewerde éytilishiche, bu bayanatchi yene feysibukning "Bu mesilidiki herikiti we hoshyar bolushigha yardem bérishi üchün" shinjang weziyitige da'ir doklatlargha diqqet qiliwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet