“форбиес” журнили фейсбуктики хитай елан-сәнәтлириниң уйғур “ирқий қирғинчилиқи” билән мунасивити барлиқини ‍илгири сүрди

Америкадики “форбес” жорнили фейсбуктики бәзи хитай елан-сәнәтлириниң уйғур “ирқий қирғинчилиқи” билән мунасивити барлиқини илгири сүргән. Хәвәрдә ‍ийтилишичә, “улуғ ера” қанили йеқинда фейсбукниң уйғур “ирқий қирғинчилиқи” дин пайда еливатқан бир хитай ширкитиниң еланини тарқитип, униңдин кирим қилғанлиқиға аит дәлилләргә еришкән. “форбес” журнили бир хитай ширкитиниң фейсбук арқилиқ давамлиқ чач сатқанлиқи, униң бу чачларға уйғурлардин еришкәнликини етирап қилғанлиқини билдүргән.

Хәвәрдә ейтишичә, иҗтимаий таратқу суписида мушуниңға охшаш ширкәтләрму уйғурларниң чечини сатмақта икән. Америка һөкүмити илгири хитайниң хотәндики завутлирида уйғурларниң чечидин ишләпчиқирилған чач мәһсулатлириниң америкаға импорт қилинишини чәклигән. Америка таможна вә чегра башқуруш идариси өткән йили хотәндики бир чач мәһсуларлири завутида ишләпчиқирилған 13 тонна чачни тутуп қалған.

Көзәткүчиләр бу мәһсулатниң лагердики уйғур аяллириниң чечидин ишләпчиқирилған болуши мумкинликини илгири сүргән иди. Хәвәрдә ейтилишичә, фейсбук “форбес” журнилиниң уйғур “ирқий қирғинчилиқи” ға четишлиқ бу хил елан-сәнәтләрдин пайдиға еришиватқанлиқи һәққидики соаалиға җавап бәрмигән.

“вол-стерет жорнили” гезити бу йил априлда бәргән хәвиридә “бир қисим фейсбук хизмәтчилириниң ичкий учур тахтиси вә башқа хизмәтчиләр билән болған сөһбәтлиридә хитайниң фейсбукни өз тәшвиқати үчүн ишлитиватқанлиқиға болған әндишилирини оттуриға қойғанлиқи, бу тәшвиқатларда шинҗаңдики уйғурларниң бәхтлик яшаватқанлиқи илгири сүрүлгәнлики” ни билдүргән.