“Forbiés” zhurnili féysbuktiki xitay élan-sen'etlirining Uyghur “Irqiy qirghinchiliqi” bilen munasiwiti barliqini ‍ilgiri sürdi

Amérikadiki “Forbés” zhornili féysbuktiki bezi xitay élan-sen'etlirining Uyghur “Irqiy qirghinchiliqi” bilen munasiwiti barliqini ilgiri sürgen. Xewerde ‍iytilishiche, “Ulugh éra” qanili yéqinda féysbukning Uyghur “Irqiy qirghinchiliqi” din payda éliwatqan bir xitay shirkitining élanini tarqitip, uningdin kirim qilghanliqigha a'it delillerge érishken. “Forbés” zhurnili bir xitay shirkitining féysbuk arqiliq dawamliq chach satqanliqi, uning bu chachlargha Uyghurlardin érishkenlikini étirap qilghanliqini bildürgen.

Xewerde éytishiche, ijtima'iy taratqu supisida mushuninggha oxshash shirketlermu Uyghurlarning chéchini satmaqta iken. Amérika hökümiti ilgiri xitayning xotendiki zawutlirida Uyghurlarning chéchidin ishlepchiqirilghan chach mehsulatlirining amérikagha import qilinishini chekligen. Amérika tamozhna we chégra bashqurush idarisi ötken yili xotendiki bir chach mehsularliri zawutida ishlepchiqirilghan 13 tonna chachni tutup qalghan.

Közetküchiler bu mehsulatning lagérdiki Uyghur ayallirining chéchidin ishlepchiqirilghan bolushi mumkinlikini ilgiri sürgen idi. Xewerde éytilishiche, féysbuk “Forbés” zhurnilining Uyghur “Irqiy qirghinchiliqi” gha chétishliq bu xil élan-sen'etlerdin paydigha érishiwatqanliqi heqqidiki so'a'aligha jawap bermigen.

“Wol-stérét zhornili” géziti bu yil aprilda bergen xewiride “Bir qisim féysbuk xizmetchilirining ichkiy uchur taxtisi we bashqa xizmetchiler bilen bolghan söhbetliride xitayning féysbukni öz teshwiqati üchün ishlitiwatqanliqigha bolghan endishilirini otturigha qoyghanliqi, bu teshwiqatlarda shinjangdiki Uyghurlarning bextlik yashawatqanliqi ilgiri sürülgenliki” ni bildürgen.