Париж шәһири 12-ноябир күни шәһәрлик һөкүмәт бинасини уйғурларниң көк байриқиниң рәңгидә йорутушни қарар қилған

Мухбиримиз әркин
2021-10-05
Share

Фирансийәниң париж шәһири 12-ноябир икки қетимлиқ "шәрқий түркистан җумһурийити" ниң қурулған күни шәһәрлик һөкүмәт бинасини уйғурларниң ай юлтузлуқ көк байриқиниң рәңгидә йорутуп, уларни қоллайдиғанлиқини ипадиләшни қарар қилған. "җумһурийәтчиләр дуняси" намлиқ торниң хәвәр қилишичә, париж шәһәр башлиқи ан һедалго 4-өктәбир күни парижниң қәтий рәвиштә уйғурлар сепидә туридиғанлиқи вә шәһәрлик һөкүмәт бинасини көк рәңдә йорутидиғанлиқини ейтқан.

Фирансийә 12-ноябирниң арқисидинла 2015-йили 13-ноябир күни йүз бәргән террорлуқ һуҗумниң 6 йиллиқини хатириләйду. ‍Өзлирини "‍ислам дөлити" дәвалған террорчиларниң шу қетимлиқ һуҗумида 130 адәм ‍өлгән. Бу вәқә фирансийәниң террорлуққа қарши туруш қануни чиқиришиға сәвәб болғаниди. "җумһурийәтчиләр дуняси" ниң хәвиридә ейтилишичә, париж шәһәр башлиқи ан һедалго твиттерға йоллиған бу һәқтики учурида, "нурғун киши бу шәнбә уйғурларни қоллаш үчүн намайиш қилған бир вақитта париж зиянкәшликкә учриған бу хәлқ билән бир сәптә туриду. Бир уйғур өйи пат йеқинда парижда ечилиду вә шәһәрлик һөкүмәт бинаси уйғур рәңгидә йорутулиду" дегән.

2-Өктәбир күни, хитай дөләт байрими мунасивити билән йүзлигән намайишчи париж шәһиридә уйғурларни қоллаш намайиши өткүзүп, явропа иттипақиниң уйғур мәҗбурий әмгәк мәһсулатлирини чәклишини тәләп қилған, шундақла парижлиқларни хитайниң уйғурларға зиянкәшлик қилишини әйибләшкә чақирған. Париждики мәзкур намайиш зор тәсир қозғиғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт