Parizh shehiri 12-noyabir küni sheherlik hökümet binasini Uyghurlarning kök bayriqining renggide yorutushni qarar qilghan

Muxbirimiz erkin
2021-10-05
Share

Firansiyening parizh shehiri 12-noyabir ikki qétimliq "Sherqiy türkistan jumhuriyiti" ning qurulghan küni sheherlik hökümet binasini Uyghurlarning ay yultuzluq kök bayriqining renggide yorutup, ularni qollaydighanliqini ipadileshni qarar qilghan. "Jumhuriyetchiler dunyasi" namliq torning xewer qilishiche, parizh sheher bashliqi an hédalgo 4-öktebir küni parizhning qet'iy rewishte Uyghurlar sépide turidighanliqi we sheherlik hökümet binasini kök rengde yorutidighanliqini éytqan.

Firansiye 12-noyabirning arqisidinla 2015-yili 13-noyabir küni yüz bergen térrorluq hujumning 6 yilliqini xatirileydu. ‍Özlirini "‍Islam döliti" dewalghan térrorchilarning shu qétimliq hujumida 130 adem ‍ölgen. Bu weqe firansiyening térrorluqqa qarshi turush qanuni chiqirishigha seweb bolghanidi. "Jumhuriyetchiler dunyasi" ning xewiride éytilishiche, parizh sheher bashliqi an hédalgo twittérgha yollighan bu heqtiki uchurida, "Nurghun kishi bu shenbe Uyghurlarni qollash üchün namayish qilghan bir waqitta parizh ziyankeshlikke uchrighan bu xelq bilen bir septe turidu. Bir Uyghur öyi pat yéqinda parizhda échilidu we sheherlik hökümet binasi Uyghur renggide yorutulidu" dégen.

2-Öktebir küni, xitay dölet bayrimi munasiwiti bilen yüzligen namayishchi parizh shehiride Uyghurlarni qollash namayishi ötküzüp, yawropa ittipaqining Uyghur mejburiy emgek mehsulatlirini cheklishini telep qilghan, shundaqla parizhliqlarni xitayning Uyghurlargha ziyankeshlik qilishini eyibleshke chaqirghan. Parizhdiki mezkur namayish zor tesir qozghighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet