Yash Uyghur pa'aliyetchi firqet jewdet londondiki "Tomas roytérs fondi jem'iyiti" ning yilliq yighinigha teklip qilin'ghan

Muxbirimiz irade
2019-11-14
Élxet
Pikir
Share
Print

Amérikadiki yash Uyghur pa'aliyetchi firqet jewdet 14-noyabir küni en'giliyediki nopuzluq organlardin bolghan "Tomas roytérs fondi jem'iyiti" ning yilda bir qétim ötküzülidighan yighinigha teklip qilin'ghan.

Roytérs agéntliqining xewer qilishiche, firqet jewdet "Ishench muhakime yighini" dep atilidighan bu sorunda Uyghurlarning weziyiti üstide sözleydiken. U roytérs agéntliqigha qilghan sözide "Özining esli xitay hökümiti teripidin lagérgha qamalghan apisining qoyuwétilishi üchün pa'aliyetlirige bashlighan bolsa, bügünki künde qizining kélechiki üchün bu dawasini dawam qiliwatqanliqini" tekitligen. U sözide Uyghurlarning béshigha kéliwatqan bu külpetlerning ayaghlishidighanliqigha da'ir héchqandaq bir isharet körmeywatqanliqini tekitlep: "Yenimu köp lagérlar dawamliq quruluwatidu. . . Men buning méning apam bilenla tügimeydighanliqini, uning xitayning bashqa jaylirighimu tarqilidighanliqini bilimen. Mana bu sewebtin men awazsizlarning awazi bolush yolini tallidim," dégen.

Firqet jewdet yene xitayda ishlep chiqirilip dunyagha éksport qiliniwatqan mehsutlarning mutleq köp qismining Uyghur élide yolgha qoyuluwatqan mejburiy emgekke munasiwetlik ikenlikinimu tekitlep ötken.

Firqet jewdetning ghuljidiki anisi bashta lagérgha élip kétilip, andin 7 yilliq késilgenliki melum bolghanidi. Firqetning toxtimay metbu'atlargha xitayning uning anisi we Uyghurlargha qaratqan zulumlirini anglitip guwahliq bérishi we amérika tashqi ishlar ministirliqining bésimi seweblik xitay da'iriliri uning anisini 3 ay ilgiri qoyup bergen bolsimu, lékin uning anisining yenila qattiq nazaret astida ikenliki melum.

Toluq bet