Amérikaning sabiq tashqi ishlar ministiri jon kérri mejburiy emgek mesilisini étirap qilghan

• Ixtiyariy muxbirimiz jewlan
  2021-05-13

Baydén hökümitining xitaygha ewetken hawa kilimat elchisi jon kérri charshenbe küni (12-may) dölet mejlisi yighinida mejburiy emgek mesilisining pütün yershari pakiz énérgiye teminle liniyesige qiyinchiliq tughduruwatqanliqini, amérikaning xitaydin ibaret bu kishilik hoquq depsendichisi dölettin xam eshya élish sodisini murekkepleshtürüwétidighanliqini éytqan.
Amérika awam palatasi tashqi ishlar komitétida ispat bergen jon kérri, “Xitaydiki irqiy qirghinchiliq hawa kilimat kélishimining imzalinishigha tosqunluq qilmasliqi kérek” dégendek gepliri hemde dunyadiki 80 pirsent quyash énérgiyesi taxtisining xitayda yasilidighanliqi we buning bir qismining shinjangda Uyghurlarni qul qilip ishlitish arqiliq ishlepchiqiridighanliqi heqqidiki so'allargha jawab bérip, xitaydiki qul emgikining pakiz énérgiye bazirini janlanduruwatqanliqini étirap qilghan.
Xewerde éytilishiche, jon kérri xitayning Uyghurlarni qul ornida ishlitip quyash énérgiyesi taxtisi ishlepchiqiriwatqanliqini étirap qilghan bolsimu, Uyghurlarning irqiy qirghinchiliqqa uchrawatqanliqini ochuq éytmay kelgen. Bu qétimmu u baydin hökümitining pakiz énérgiye menbesi bilen teminlesh sodisining mejburiy emgekke chétilip qalmasliqigha kapaletlik qilishi üchün qandaq tedbirlerni qollinidighanliqigha a'it so'allargha jawab bermigen.